Aldyn ala málimet boiynsha, Qazaqstannyń halyqaralyq qorynyń kólemi 2018 jyldyń jeltoqsan aiynda 88,628 mlrd AQSh dollaryn quraǵan. Bul kórsetkish qarasha aiymen salystyrǵanda 0,97 paiyzǵa ósip, al 2017 jyldyń jeltoqsanymen salystyrǵanda 0,79 paiyzǵa azaidy, dep habarlaidy "Ult aqparat".
QR Ulttyq bankiniń bergen málimetine qaraǵanda, Qazaqstannyń jalpy halyqaralyq rezerviniń kólemi jeltoqsan aiynda 2,53 paiyz ósip (ótken jyldyń basynan beri 0,28 paiyz azaiǵan), 30,909 mlrd dollardy quraǵan, sonyń ishinde taza halyqaralyq rezerv 2,56 paiyzǵa ósip (-0,21 paiyz), 30,42 mlrd dollar bolǵan.
QR Ulttyq qory aktivteriniń kólemi 0,16 paiyzǵa (-1,05 paiyz) ósip, 57,717 mlrd dollardy qurady. Erkin konvertatsiialanatyn valiýtadaǵy aktivterdiń kólemi 16,518 mlrd dollardy qurady, bul kórsetkish ótken aida 0,45 paiyzǵa (al ótken jyldyń jeltoqsanynan beri 10,71 paiyz azaiǵan) ósken. Altyn valiýtalardyń kólemi 6,17 paiyzǵa (+15,15 paiyz) ósip, 14,391 mlrd dollardy qurady.
