الدىن الا مەلٸمەت بويىنشا, قازاقستاننىڭ حالىقارالىق قورىنىڭ كٶلەمٸ 2018 جىلدىڭ جەلتوقسان ايىندا 88,628 ملرد اقش دوللارىن قۇراعان. بۇل كٶرسەتكٸش قاراشا ايىمەن سالىستىرعاندا 0,97 پايىزعا ٶسٸپ, ال 2017 جىلدىڭ جەلتوقسانىمەن سالىستىرعاندا 0,79 پايىزعا ازايدى, دەپ حابارلايدى "ۇلت اقپارات".
قر ۇلتتىق بانكٸنٸڭ بەرگەن مەلٸمەتٸنە قاراعاندا, قازاقستاننىڭ جالپى حالىقارالىق رەزەرۆٸنٸڭ كٶلەمٸ جەلتوقسان ايىندا 2,53 پايىز ٶسٸپ (ٶتكەن جىلدىڭ باسىنان بەرٸ 0,28 پايىز ازايعان), 30,909 ملرد دوللاردى قۇراعان, سونىڭ ٸشٸندە تازا حالىقارالىق رەزەرۆ 2,56 پايىزعا ٶسٸپ (-0,21 پايىز), 30,42 ملرد دوللار بولعان.
قر ۇلتتىق قورى اكتيۆتەرٸنٸڭ كٶلەمٸ 0,16 پايىزعا (-1,05 پايىز) ٶسٸپ, 57,717 ملرد دوللاردى قۇرادى. ەركٸن كونۆەرتاتسييالاناتىن ۆاليۋتاداعى اكتيۆتەردٸڭ كٶلەمٸ 16,518 ملرد دوللاردى قۇرادى, بۇل كٶرسەتكٸش ٶتكەن ايدا 0,45 پايىزعا (ال ٶتكەن جىلدىڭ جەلتوقسانىنان بەرٸ 10,71 پايىز ازايعان) ٶسكەن. التىن ۆاليۋتالاردىڭ كٶلەمٸ 6,17 پايىزعا (+15,15 پايىز) ٶسٸپ, 14,391 ملرد دوللاردى قۇرادى.
