.webp)
Foto: QR MAM
Mádeniet jáne aqparat ministrligi belgili ánshi, Qazaqstannyń halyq ártisi Maigúl Ibragimqyzy Qazturǵanovanyń dúnieden ótýine bailanysty marqumnyń otbasy men týystaryna, týǵan halqyna qaiǵyra kóńil aitady, dep habarlaidy Ult.kz.
"Maigúl Ibragimqyzy – qazaqtyń dástúrli án ónerin órkendetýge úles qosqan qaitalanbas daýys iesi, ult maqtanyshy edi. Ol halyqtyq jáne kásibi kompozitorlardyń tańdaýly týyndylaryn asqan sheberlikpen oryndap, ulttyq mádenietimizdiń bai qazynasyn álemge tanytty. Óner jolyn áigili Nurǵisa Tilendievtiń jetekshiligindegi "Otyrar sazy" folklorlyq-etnografiialyq orkestrinde bastaǵan Maigúl Ibragimqyzy ómir boiy qazaq óneriniń abyroiyn asqaqtatýǵa adal qyzmet etti. Onyń oryndaýyndaǵy shyǵarmalar el júreginen oryn alyp, qazaq mýzyka mádenietiniń altyn qoryna qosyldy. Ómirin ulttyq mádeniet pen rýhaniiatqa arnaǵan abzal jannyń adamdyq bolmysy, ónerge degen sheksiz súiispenshiligi men izgiligi keiingi býyn jastarǵa óshpes ónege bolyp qala bermek. Maigúl Ibragimqyzynyń jarqyn beinesi, shyǵarmashylyq murasy ult jadynda máńgi saqtalady dep senemiz. Marqumnyń jatqan jeri jaily, topyraǵy torqa bolsyn! Allanyń raqymy men meiirimi joldas bolyp, rýhy peiishte shalqysyn!", – delingen ministrlik habarlamasynda.
