.webp)
فوتو: قر مام
مەدەنيەت جەنە اقپارات مينيسترلٸگٸ بەلگٸلٸ ەنشٸ, قازاقستاننىڭ حالىق ەرتٸسٸ مايگٷل يبراگيمقىزى قازتۇرعانوۆانىڭ دٷنيەدەن ٶتۋٸنە بايلانىستى مارقۇمنىڭ وتباسى مەن تۋىستارىنا, تۋعان حالقىنا قايعىرا كٶڭٸل ايتادى, دەپ حابارلايدى Ult.kz.
"مايگٷل يبراگيمقىزى – قازاقتىڭ دەستٷرلٸ ەن ٶنەرٸن ٶركەندەتۋگە ٷلەس قوسقان قايتالانباس داۋىس يەسٸ, ۇلت ماقتانىشى ەدٸ. ول حالىقتىق جەنە كەسٸبي كومپوزيتورلاردىڭ تاڭداۋلى تۋىندىلارىن اسقان شەبەرلٸكپەن ورىنداپ, ۇلتتىق مەدەنيەتٸمٸزدٸڭ باي قازىناسىن ەلەمگە تانىتتى. ٶنەر جولىن ەيگٸلٸ نۇرعيسا تٸلەنديەۆتٸڭ جەتەكشٸلٸگٸندەگٸ "وتىرار سازى" فولكلورلىق-ەتنوگرافييالىق وركەسترٸندە باستاعان مايگٷل يبراگيمقىزى ٶمٸر بويى قازاق ٶنەرٸنٸڭ ابىرويىن اسقاقتاتۋعا ادال قىزمەت ەتتٸ. ونىڭ ورىنداۋىنداعى شىعارمالار ەل جٷرەگٸنەن ورىن الىپ, قازاق مۋزىكا مەدەنيەتٸنٸڭ التىن قورىنا قوسىلدى. ٶمٸرٸن ۇلتتىق مەدەنيەت پەن رۋحانيياتقا ارناعان ابزال جاننىڭ ادامدىق بولمىسى, ٶنەرگە دەگەن شەكسٸز سٷيٸسپەنشٸلٸگٸ مەن ٸزگٸلٸگٸ كەيٸنگٸ بۋىن جاستارعا ٶشپەس ٶنەگە بولىپ قالا بەرمەك. مايگٷل يبراگيمقىزىنىڭ جارقىن بەينەسٸ, شىعارماشىلىق مۇراسى ۇلت جادىندا مەڭگٸ ساقتالادى دەپ سەنەمٸز. مارقۇمنىڭ جاتقان جەرٸ جايلى, توپىراعى تورقا بولسىن! اللانىڭ راقىمى مەن مەيٸرٸمٸ جولداس بولىپ, رۋحى پەيٸشتە شالقىسىن!", – دەلٸنگەن مينيسترلٸك حابارلاماسىندا.
