«Qazaqstannyń Damý banki» AQ Basqarmasynyń tóraǵasy Abai Sarqulov memlekettik indýstriialyq-innovatsiialyq damý baǵdarlamasy aiasynda qandai jobalar qoldaý tapqanyn aityp berdi, dep habarlaidy "Ult aqparat".
Aita ketsek, Qazaqstannyń Damý banki iri biznes-infraqurylymdyq jobalardy qarjylandyrý jaǵynan Indýstrialdy-innovatsiialyq damýdyń memlekettik baǵdarlamasyn iske asyratyn negizgi operator.
«Qazaqstanda memlekettik baǵdarlamanyń úshinshi kezeńi júzege asyrylýda. Óte aýqymdy jumys atqaryldy, biz birsipira jobany maquldadyq. Naqty sandarmen keltirer bolsaq, Damý banki 581 milliard teńge tartty. Biz búginge deiin bul somanyń shamamen 502 milliard teńgesin igerdik», - dedi Abai Sarqulov Ortalyq kommýnikatsiialar qyzmetindegi onlain baspasóz máslihatynda.
Ol búginge deiin Aqtóbe rels-arqalyq zaýyty, Ekibastuz qalasyndaǵy «Prommashkomplekt», Qaraǵandy oblysyndaǵy YDD, Makinsk qus fabrikasy siiaqty aýqymdy jobalar júzege asyrylǵanyn atap ótti. Sonymen qatar byltyr Hyundai avtomobil zaýyty iske qosylǵan.
«Al eger biz «Nurly jol» baǵdarlamasy týraly aitar bolsaq, bank eksporttyq operatsiialardy qarjylandyratyn operator bolyp otyr. Saraptamalyq operatsiialardy qarjylandyrýdyń arqasynda bizdiń ónimder qazirgi ýaqytta álemniń 80-ge jýyq eline eksporttalady. Bular - ammiak selitrasy, alkogolsiz sýsyndar, sút ónimderi siiaqty ónimder. Iaǵni, biz barlyq elge jol ashyp, eksporttaýshylarǵa qarjylai qoldaý kórsetemiz», - dedi Abai Sarqulov.
