«قازاقستاننىڭ دامۋ بانكٸ» اق باسقارماسىنىڭ تٶراعاسى اباي سارقۇلوۆ مەملەكەتتٸك يندۋسترييالىق-يننوۆاتسييالىق دامۋ باعدارلاماسى اياسىندا قانداي جوبالار قولداۋ تاپقانىن ايتىپ بەردٸ, دەپ حابارلايدى "ۇلت اقپارات".
ايتا كەتسەك, قازاقستاننىڭ دامۋ بانكٸ ٸرٸ بيزنەس-ينفراقۇرىلىمدىق جوبالاردى قارجىلاندىرۋ جاعىنان يندۋستريالدى-يننوۆاتسييالىق دامۋدىڭ مەملەكەتتٸك باعدارلاماسىن ٸسكە اسىراتىن نەگٸزگٸ وپەراتور.
«قازاقستاندا مەملەكەتتٸك باعدارلامانىڭ ٷشٸنشٸ كەزەڭٸ جٷزەگە اسىرىلۋدا. ٶتە اۋقىمدى جۇمىس اتقارىلدى, بٸز بٸرسٸپٸرا جوبانى ماقۇلدادىق. ناقتى ساندارمەن كەلتٸرەر بولساق, دامۋ بانكٸ 581 ميلليارد تەڭگە تارتتى. بٸز بٷگٸنگە دەيٸن بۇل سومانىڭ شامامەن 502 ميلليارد تەڭگەسٸن يگەردٸك», - دەدٸ اباي سارقۇلوۆ ورتالىق كوممۋنيكاتسييالار قىزمەتٸندەگٸ ونلاين باسپاسٶز مەسليحاتىندا.
ول بٷگٸنگە دەيٸن اقتٶبە رەلس-ارقالىق زاۋىتى, ەكٸباستۇز قالاسىنداعى «پرومماشكومپلەكت», قاراعاندى وبلىسىنداعى YDD, ماكينسك قۇس فابريكاسى سيياقتى اۋقىمدى جوبالار جٷزەگە اسىرىلعانىن اتاپ ٶتتٸ. سونىمەن قاتار بىلتىر Hyundai اۆتوموبيل زاۋىتى ٸسكە قوسىلعان.
«ال ەگەر بٸز «نۇرلى جول» باعدارلاماسى تۋرالى ايتار بولساق, بانك ەكسپورتتىق وپەراتسييالاردى قارجىلاندىراتىن وپەراتور بولىپ وتىر. ساراپتامالىق وپەراتسييالاردى قارجىلاندىرۋدىڭ ارقاسىندا بٸزدٸڭ ٶنٸمدەر قازٸرگٸ ۋاقىتتا ەلەمنٸڭ 80-گە جۋىق ەلٸنە ەكسپورتتالادى. بۇلار - اممياك سەليتراسى, الكوگولسٸز سۋسىندار, سٷت ٶنٸمدەرٸ سيياقتى ٶنٸمدەر. ياعني, بٸز بارلىق ەلگە جول اشىپ, ەكسپورتتاۋشىلارعا قارجىلاي قولداۋ كٶرسەتەمٸز», - دەدٸ اباي سارقۇلوۆ.
