Jyl sońyna deiin Qazaqstandaǵy barlyq aýdandarda servistik ákimdikter ashylady, dep habarlaidy "Ult aqparat" QR Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Baspasóz qyzmetiniń málimetterine qaraǵanda, halyqtyń memlekettik apparatqa degen senimin arttyrý, sondai-aq el Prezidenti bastamashylyq etken «Halyq únine qulaq asatyn memleket» tujyrymdamasyn iske asyrý maqsatynda Sybailas jemqorlyqqa qarsy is-qimyl agenttigi «Adaldyq alańy» jalpyulttyq sybailas jemqorlyqqa qarsy jobasy aiasynda memlekettik organdardy transformatsiialaýdy júrgizip, olardyń jumysyn servistik úlgige kóshirýde.
«Adaldyq alańy» jobasynyń negizgi baǵyttarynyń biri – memlekettik organdar jumysynyń tutynýshyǵa baǵdarlanǵan úlgisine kóshý arqyly halyq úshin memlekettik qyzmetshilerdiń ashyqtyǵy men qoljetimdilik qaǵidattaryn qamtamasyz etý bolyp tabylady.
Parasattylyq departamentiniń direktory Ǵanijan Asanulynyń aitýynsha, bul qyzmettiń nátijesi – barlyq óńirlerde ashylatyn servistik ákimdikter bolyp otyr.
Búgingi tańda el boiynsha aýdandyq jáne qalalyq ákimdikterdiń 163-i nemese 76% - y servistik jumys formatyna kóshti. Aýyl jáne kent ákimdikteriniń 98% - ynda ózine-ózi qyzmet kórsetý buryshtary ashylǵan. Barlyq memlekettik organdardyń qyzmetin olardyń ashyqtyǵy men qoljetimdiligin arttyrý arqyly transformatsiialaý boiynsha aýqymdy sharalar qabyldanýda.
«Ashyqtyqty qamtýdyń aiqyn kórinisi – 2 myńnan astam memlekettik mekemeniń open space/front-ofister formatyna kóshýi boldy. 5 myńǵa jýyqmemlekettik organ men mekemelerdiń basshylary azamattarmen jedel qarym-qatynas jasaý úshin birinshi qabattarǵa kóshirildi», – dedi Ǵ. Asanuly.
Mundai jumys formaty, eń aldymen, ártúrli ákimshilik kedergilerdi joiyp, azamattarǵa yńǵaily jaǵdaida jedel qyzmet kórsetýge arnalǵan. Memlekettik apparat jumysynyń ashyqtyǵy men aiqyndyǵy dárejesiniń ósýin – halyqtyń senimin arttyrýdyń mańyzdy faktorlarynyń biriretinde qarastyrýǵa bolady.
«Qyzmet kórsetýdiń servistik modelin engizý barysynda qamtamasyz etilgen ashyqtyq pen tutynýshyǵa baǵdarlaný – bul keri bailanys, qoǵam men memlekettiń turaqty ózara bailanysy men ózara is-qimyly tetikteri jumysynyń negizi. Biz biletindei, sybailas jemqorlyq ashyqtyq pen ashyqtyq pen esep berýshilikten qorqady»,-deidi spiker.
