Qazaqstannyń 9 óńirinde 39 jańa sý qoimasy salynady. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy QazAqparat.
«Agroónerkásiptik keshendi damytý jónindegi 2017-2021 jyldarǵa arnalǵan memlekettik baǵdarlamada 41 avariialyq sý qoimasyn qalpyna keltirý kózdelgen. Onyń ishinde 2017-2019 jyldar kezeńinde 10 nysan paidalanýǵa berildi. Al ekeýi osy jyly aiaqtalatyn bolady. 2021 jyly taǵy 8 nysandy aiaqtaý josparlanýda jáne qalǵan jiyrma 21 nysan 2025 jylǵa deiin iske asyrylady. Budan basqa, 9 óńirde jalpy kólemi jylyna 3,6 mlrd tekshe metr bolatyn 39 jańa sý qoimasyn salý josparlanǵan. Olardy iske asyrý úshin 115 mlrd teńge qajet», - dedi ol Senat tóraǵasynyń orynbasary Asqar Shákirovtiń tóraǵalyǵymen ótip jatqan Úkimet saǵatynda.
Onyń dereginshe, sý qoimalaryn salý 70 eldi meken úshin sý tasqyny qubylystarynyń qaýpin azaitýǵa, 394 myń gektar jańa sýarmaly jerlerdi ainalymǵa engizýge jáne aýyl sharýashylyǵynda 129 myńnan astam jumys ornyn qurýǵa jaǵdai jasaidy. Sonymen qatar transshekaralyq ózenderdiń sý kólemine táýeldilikti alyp tastaýǵa múmkindik beredi.
«Atap aitsaq, Qyrǵyzstannan 30 paiyzǵa deiin, Ózbekstannan 25 paiyzǵa deiin, al Reseiden 15 paiyzǵa deiin táýeldilikti aryltady», - dedi Maǵzum Myrzaǵaliev.
