قازاقستاننىڭ 9 ٶڭٸرٸندە 39 جاڭا سۋ قويماسى سالىنادى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«اگروٶنەركەسٸپتٸك كەشەندٸ دامىتۋ جٶنٸندەگٸ 2017-2021 جىلدارعا ارنالعان مەملەكەتتٸك باعدارلامادا 41 اۆارييالىق سۋ قويماسىن قالپىنا كەلتٸرۋ كٶزدەلگەن. ونىڭ ٸشٸندە 2017-2019 جىلدار كەزەڭٸندە 10 نىسان پايدالانۋعا بەرٸلدٸ. ال ەكەۋٸ وسى جىلى اياقتالاتىن بولادى. 2021 جىلى تاعى 8 نىساندى اياقتاۋ جوسپارلانۋدا جەنە قالعان جيىرما 21 نىسان 2025 جىلعا دەيٸن ٸسكە اسىرىلادى. بۇدان باسقا, 9 ٶڭٸردە جالپى كٶلەمٸ جىلىنا 3,6 ملرد تەكشە مەتر بولاتىن 39 جاڭا سۋ قويماسىن سالۋ جوسپارلانعان. ولاردى ٸسكە اسىرۋ ٷشٸن 115 ملرد تەڭگە قاجەت», - دەدٸ ول سەنات تٶراعاسىنىڭ ورىنباسارى اسقار شەكٸروۆتٸڭ تٶراعالىعىمەن ٶتٸپ جاتقان ٷكٸمەت ساعاتىندا.
ونىڭ دەرەگٸنشە, سۋ قويمالارىن سالۋ 70 ەلدٸ مەكەن ٷشٸن سۋ تاسقىنى قۇبىلىستارىنىڭ قاۋپٸن ازايتۋعا, 394 مىڭ گەكتار جاڭا سۋارمالى جەرلەردٸ اينالىمعا ەنگٸزۋگە جەنە اۋىل شارۋاشىلىعىندا 129 مىڭنان استام جۇمىس ورنىن قۇرۋعا جاعداي جاسايدى. سونىمەن قاتار ترانسشەكارالىق ٶزەندەردٸڭ سۋ كٶلەمٸنە تەۋەلدٸلٸكتٸ الىپ تاستاۋعا مٷمكٸندٸك بەرەدٸ.
«اتاپ ايتساق, قىرعىزستاننان 30 پايىزعا دەيٸن, ٶزبەكستاننان 25 پايىزعا دەيٸن, ال رەسەيدەن 15 پايىزعا دەيٸن تەۋەلدٸلٸكتٸ ارىلتادى», - دەدٸ ماعزۇم مىرزاعاليەۆ.
