Foto: elements.envato.com
Vitse-premer – qarjy ministri Erulan Jamaýbaev Qazaqstannan Reseige 500 dron tasymaldandy degen aqparatqa qatysty túsinikteme berdi, dep habarlaidy Sputnik Qazaqstan.
Májilis kýlýarynda jýrnalister Jamaýbaevtan Reseige Qazaqstan arqyly drondar tasymaldaǵan kompaniia týraly surady.
"Jalpy biz kez kelgen kásipkerdi ustap, qandai da bir tártip buzýshy retinde qarastyra almaimyz. Sondyqtan da naqty siz aityp turǵan kompaniiany tekserip kóreiik. Qanshalyqty qaýip tóndirip tur, sanktsiialyq qaýpi bar kompaniia ma, sony anyqtaiyq. Aldynda bizge Eýropadan, AQSh-tan arnaiy delegatsiia keldi. Olar óz oilarymen bólisti. Olar Qyrǵyzstanǵa da, Ózbekstanǵa bardy, barlyq memleketti aralap shyqty, kelissóz júrgizdi. Olar qandai da bir sanktsiialyq taýarlardy anyqtasaq, sizge tizimin jiberemiz, soǵys bolyp jatqan jerden osyndai qaldyqtar tabyldy dep habar beremiz dedi", - dedi Jamaýbaev.
Onyń aitýynsha, sheteldik delegatsiialar bergen aqparattyń ishinde dron tasymaldaǵan kompaniia týraly aitylmaǵan.
"Olar bergen aqparattyń ishinde siz aityp otyrǵan kompaniia joq. Biraq biz qosymsha táýekelderdi basqarý júiesin qosamyz, árine mundaiǵa jol bermeimiz. Bizde myńdaǵan kásipker bar. Olardyń deklaratsiiasyn tekserý kerek, múmkin basqa taýar dep kórsetken shyǵar", - deidi ministr.
Buǵan deiin halyqaralyq zertteýshiler toby Resei Ýkrainadaǵy operatsiiaǵa qoldanatyn drondardy Qazaqstan arqyly alyp jatqanyn habarlaǵan bolatyn. Kórshi elge 500 dron jetkizgen kompaniia retinde "Aspan Arba" kórsetilgen.
