فوتو: elements.envato.com
ۆيتسە-پرەمەر – قارجى مينيسترٸ ەرۇلان جاماۋباەۆ قازاقستاننان رەسەيگە 500 درون تاسىمالداندى دەگەن اقپاراتقا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
مەجٸلٸس كۋلۋارىندا جۋرناليستەر جاماۋباەۆتان رەسەيگە قازاقستان ارقىلى دروندار تاسىمالداعان كومپانييا تۋرالى سۇرادى.
"جالپى بٸز كەز كەلگەن كەسٸپكەردٸ ۇستاپ, قانداي دا بٸر تەرتٸپ بۇزۋشى رەتٸندە قاراستىرا المايمىز. سوندىقتان دا ناقتى سٸز ايتىپ تۇرعان كومپانييانى تەكسەرٸپ كٶرەيٸك. قانشالىقتى قاۋٸپ تٶندٸرٸپ تۇر, سانكتسييالىق قاۋپٸ بار كومپانييا ما, سونى انىقتايىق. الدىندا بٸزگە ەۋروپادان, اقش-تان ارنايى دەلەگاتسييا كەلدٸ. ولار ٶز ويلارىمەن بٶلٸستٸ. ولار قىرعىزستانعا دا, ٶزبەكستانعا باردى, بارلىق مەملەكەتتٸ ارالاپ شىقتى, كەلٸسسٶز جٷرگٸزدٸ. ولار قانداي دا بٸر سانكتسييالىق تاۋارلاردى انىقتاساق, سٸزگە تٸزٸمٸن جٸبەرەمٸز, سوعىس بولىپ جاتقان جەردەن وسىنداي قالدىقتار تابىلدى دەپ حابار بەرەمٸز دەدٸ", - دەدٸ جاماۋباەۆ.
ونىڭ ايتۋىنشا, شەتەلدٸك دەلەگاتسييالار بەرگەن اقپاراتتىڭ ٸشٸندە درون تاسىمالداعان كومپانييا تۋرالى ايتىلماعان.
"ولار بەرگەن اقپاراتتىڭ ٸشٸندە سٸز ايتىپ وتىرعان كومپانييا جوق. بٸراق بٸز قوسىمشا تەۋەكەلدەردٸ باسقارۋ جٷيەسٸن قوسامىز, ەرينە مۇندايعا جول بەرمەيمٸز. بٸزدە مىڭداعان كەسٸپكەر بار. ولاردىڭ دەكلاراتسيياسىن تەكسەرۋ كەرەك, مٷمكٸن باسقا تاۋار دەپ كٶرسەتكەن شىعار", - دەيدٸ مينيستر.
بۇعان دەيٸن حالىقارالىق زەرتتەۋشٸلەر توبى رەسەي ۋكرايناداعى وپەراتسيياعا قولداناتىن درونداردى قازاقستان ارقىلى الىپ جاتقانىن حابارلاعان بولاتىن. كٶرشٸ ەلگە 500 درون جەتكٸزگەن كومپانييا رەتٸندە "اسپان اربا" كٶرسەتٸلگەن.
