Foto: freepik.com
Ónerkásip jáne qurylys ministriniń buiryǵymen Qazaqstanǵa róli oń jaqta ornalasqan avtokólikterdi kirgizýge shekteý engiziledi, dep habarlaidy Kazinform agenttigi.
«Saýda qyzmetin retteý týraly» Qazaqstan Respýblikasy Zańynyń 17-baby 2-tarmaǵyna jáne 18-baby 1-tarmaǵynyń 2) tarmaqshasyna, Eýraziialyq ekonomikalyq odaq týraly sharttyń 29 jáne 47-baptaryna, sondai-aq 2014 jylǵy 29 mamyrdaǵy Eýraziialyq ekonomikalyq odaq týraly shartqa 7-qosymshanyń 10-bólimine sáikes Qazaqstan Respýblikasy aýmaǵyna róli oń jaqta ornalasqan jeńil avtokólikterdi bólshektelgen túrde kirgizýge alty aiǵa tyiym salamyn, - delingen qujatta.
Kóliktiń keibir túrleri ǵana bul tizimge enbegen:
• mototsikl (sedla) úlgisindegi oryndyqpen, eki aldyńǵy dońǵalaqty qolmen basqarý tetikterimen, jolsyz jerlerge arnalǵan shinalarmen, artqy júristi qamtamasyz etetin qorabymen, avtomatty nemese qolmen basqarylatyn trasmissiiamen jabdyqtalǵan eki nemese tórt jetekshi dóńgelegi bar tórt dońǵalaqty joǵary qozǵalmaly motorly kólik quraldary;
• Qozǵaltqysh tsilindrleriniń jumys kólemi 1 000 sm³ artyq, biraq 1 500 sm³ aspaityn;
• Qozǵaltqysh tsilindrleriniń jumys kólemi 1 500 sm³ artyq, biraq 3 000 sm³ aspaityn;
• Qozǵaltqysh tsilindrleriniń jumys kólemi 3 000 sm³ astam;
• Qozǵaltqysh tsilindrleriniń jumys kólemi 1 500 sm³ aspaityn;
• Qozǵaltqysh tsilindrleriniń jumys kólemi 1 500 sm³ artyq, biraq 2 500 sm³ aspaityn;
• Qozǵaltqysh tsilindrleriniń jumys kólemi 2 500 sm³ astam;
• syrtqy elektr kózine qosylý arqyly zariadtalatyndardan basqa, ushqynmen tutanatyn porshendi ishki janý qozǵaltqyshymen de, elektr qozǵaltqyshymen de qozǵalysqa keltiriletin kólik quraldary.
Osy buiryq alǵashqy resmi jariialanǵan kúnnen keiin on kún ótken soń qoldanysqa engiziledi.
