فوتو: freepik.com
ٶنەركەسٸپ جەنە قۇرىلىس مينيسترٸنٸڭ بۇيرىعىمەن قازاقستانعا رٶلٸ وڭ جاقتا ورنالاسقان اۆتوكٶلٸكتەردٸ كٸرگٸزۋگە شەكتەۋ ەنگٸزٸلەدٸ, دەپ حابارلايدى Kazinform اگەنتتٸگٸ.
«ساۋدا قىزمەتٸن رەتتەۋ تۋرالى» قازاقستان رەسپۋبليكاسى زاڭىنىڭ 17-بابى 2-تارماعىنا جەنە 18-بابى 1-تارماعىنىڭ 2) تارماقشاسىنا, ەۋرازييالىق ەكونوميكالىق وداق تۋرالى شارتتىڭ 29 جەنە 47-باپتارىنا, سونداي-اق 2014 جىلعى 29 مامىرداعى ەۋرازييالىق ەكونوميكالىق وداق تۋرالى شارتقا 7-قوسىمشانىڭ 10-بٶلٸمٸنە سەيكەس قازاقستان رەسپۋبليكاسى اۋماعىنا رٶلٸ وڭ جاقتا ورنالاسقان جەڭٸل اۆتوكٶلٸكتەردٸ بٶلشەكتەلگەن تٷردە كٸرگٸزۋگە التى ايعا تىيىم سالامىن, - دەلٸنگەن قۇجاتتا.
كٶلٸكتٸڭ كەيبٸر تٷرلەرٸ عانا بۇل تٸزٸمگە ەنبەگەن:
• موتوتسيكل (سەدلا) ٷلگٸسٸندەگٸ ورىندىقپەن, ەكٸ الدىڭعى دوڭعالاقتى قولمەن باسقارۋ تەتٸكتەرٸمەن, جولسىز جەرلەرگە ارنالعان شينالارمەن, ارتقى جٷرٸستٸ قامتاماسىز ەتەتٸن قورابىمەن, اۆتوماتتى نەمەسە قولمەن باسقارىلاتىن تراسميسسييامەن جابدىقتالعان ەكٸ نەمەسە تٶرت جەتەكشٸ دٶڭگەلەگٸ بار تٶرت دوڭعالاقتى جوعارى قوزعالمالى موتورلى كٶلٸك قۇرالدارى;
• قوزعالتقىش تسيليندرلەرٸنٸڭ جۇمىس كٶلەمٸ 1 000 سم³ ارتىق, بٸراق 1 500 سم³ اسپايتىن;
• قوزعالتقىش تسيليندرلەرٸنٸڭ جۇمىس كٶلەمٸ 1 500 سم³ ارتىق, بٸراق 3 000 سم³ اسپايتىن;
• قوزعالتقىش تسيليندرلەرٸنٸڭ جۇمىس كٶلەمٸ 3 000 سم³ استام;
• قوزعالتقىش تسيليندرلەرٸنٸڭ جۇمىس كٶلەمٸ 1 500 سم³ اسپايتىن;
• قوزعالتقىش تسيليندرلەرٸنٸڭ جۇمىس كٶلەمٸ 1 500 سم³ ارتىق, بٸراق 2 500 سم³ اسپايتىن;
• قوزعالتقىش تسيليندرلەرٸنٸڭ جۇمىس كٶلەمٸ 2 500 سم³ استام;
• سىرتقى ەلەكتر كٶزٸنە قوسىلۋ ارقىلى زاريادتالاتىنداردان باسقا, ۇشقىنمەن تۇتاناتىن پورشەندٸ ٸشكٸ جانۋ قوزعالتقىشىمەن دە, ەلەكتر قوزعالتقىشىمەن دە قوزعالىسقا كەلتٸرٸلەتٸن كٶلٸك قۇرالدارى.
وسى بۇيرىق العاشقى رەسمي جارييالانعان كٷننەن كەيٸن ون كٷن ٶتكەن سوڭ قولدانىسقا ەنگٸزٸلەدٸ.
