© Sputnik / Vladislav Vodnev
Parlament Májilisi 1 qyrkúiekke deiin ákelingen kólikterdi zańdastyrý úshin alynatyn biryńǵai alymnyń mólsherin bekitti, dep habarlaidy Sputnik Qazaqstan.
Májilistiń jalpy otyrysynda Salyq kodeksine ózgerister engizý týraly zań jobasy ekinshi oqylymda qaraldy. Qujatta sheteldik avtokólikterdi bastapqy tirkeý úshin biryńǵai alymnyń mólsheri kózdelgen.
"Osy jyldyń 1 qyrkúiegine deiin ákelingen avtomobilderdi zańdastyrý úshin 200 000 teńge mólsherinde tómendetilgen biryńǵai alym mólsherlemesin belgileý usynylady. Bul halyqqa avtomobilderge menshik quqyǵyn tirkeýge jáne bolashaqta biýdjetke kólik salyǵyn tóleýge múmkindik beredi", - dedi Májilistiń qarjy jáne biýdjet komitetiniń múshesi Sergei Simonov.
Bul rette mehanikalyq kólikterdiń sanattaryn, alym mólsherlemesin qoldaný tártibin, sharttary men merzimderin úkimet aiqyndaidy.
Májilis zań jobasyn maquldap, Senattyń qaraýyna joldady.
Buǵan deiin Prezident Qazaqstan halqyna Joldaýynda osy jyldyń 1 qyrkúiegine deiin ákelingen avtomobilderdi zańdastyrý, olardy kádege jaratý jáne bastapqy tirkeý úshin 200-250 myń teńgeden aspaityn mólsherde biryńǵai alym belgileýdi tapsyrǵan bolatyn.
