© Sputnik / ۆلاديسلاۆ ۆودنەۆ
پارلامەنت مەجٸلٸسٸ 1 قىركٷيەككە دەيٸن ەكەلٸنگەن كٶلٸكتەردٸ زاڭداستىرۋ ٷشٸن الىناتىن بٸرىڭعاي الىمنىڭ مٶلشەرٸن بەكٸتتٸ, دەپ حابارلايدى Sputnik قازاقستان.
مەجٸلٸستٸڭ جالپى وتىرىسىندا سالىق كودەكسٸنە ٶزگەرٸستەر ەنگٸزۋ تۋرالى زاڭ جوباسى ەكٸنشٸ وقىلىمدا قارالدى. قۇجاتتا شەتەلدٸك اۆتوكٶلٸكتەردٸ باستاپقى تٸركەۋ ٷشٸن بٸرىڭعاي الىمنىڭ مٶلشەرٸ كٶزدەلگەن.
"وسى جىلدىڭ 1 قىركٷيەگٸنە دەيٸن ەكەلٸنگەن اۆتوموبيلدەردٸ زاڭداستىرۋ ٷشٸن 200 000 تەڭگە مٶلشەرٸندە تٶمەندەتٸلگەن بٸرىڭعاي الىم مٶلشەرلەمەسٸن بەلگٸلەۋ ۇسىنىلادى. بۇل حالىققا اۆتوموبيلدەرگە مەنشٸك قۇقىعىن تٸركەۋگە جەنە بولاشاقتا بيۋدجەتكە كٶلٸك سالىعىن تٶلەۋگە مٷمكٸندٸك بەرەدٸ", - دەدٸ مەجٸلٸستٸڭ قارجى جەنە بيۋدجەت كوميتەتٸنٸڭ مٷشەسٸ سەرگەي سيمونوۆ.
بۇل رەتتە مەحانيكالىق كٶلٸكتەردٸڭ ساناتتارىن, الىم مٶلشەرلەمەسٸن قولدانۋ تەرتٸبٸن, شارتتارى مەن مەرزٸمدەرٸن ٷكٸمەت ايقىندايدى.
مەجٸلٸس زاڭ جوباسىن ماقۇلداپ, سەناتتىڭ قاراۋىنا جولدادى.
بۇعان دەيٸن پرەزيدەنت قازاقستان حالقىنا جولداۋىندا وسى جىلدىڭ 1 قىركٷيەگٸنە دەيٸن ەكەلٸنگەن اۆتوموبيلدەردٸ زاڭداستىرۋ, ولاردى كەدەگە جاراتۋ جەنە باستاپقى تٸركەۋ ٷشٸن 200-250 مىڭ تەڭگەدەن اسپايتىن مٶلشەردە بٸرىڭعاي الىم بەلگٸلەۋدٸ تاپسىرعان بولاتىن.
