Biryńǵai jinaqtaýshy zeinetaqy qory qazaqstandyqtar 2020 jyly qansha aqsha jinaǵanyn jariia etti, dep habarlaidy "Ult aqparat".
2021 jyldyń 1 qańtarynda Biryńǵai jinaqtaýshy zeinetaqy qory salymshylarynyń shotynda 12,9 trillion teńge zeinetaqy jinaqtary qalyptastyryldy. Bir jylda 2,1 trln teńgege nemese 20% kóbeidi.
Zeinetaqy jinaqtarynyń negizgi somasy mindetti zeinetaqy jarnalary esebinen jinaqtalyp, onyń mólsheri 12,6 trln teńge boldy. Mindetti kásiptik zeinetaqy jarnasy boiynsha zeinetaqy jinaqtarynyń somasy 315,3 mlrd teńgege, al erikti zeinetaqy jarnasy boiynsha zeinetaqy jinaqtarynyń somasy 2,2 mlrd teńgege jetti.
2020 jyldyń basynan beri salymshylardyń shotyna jalpy kólemi 1,1 trln teńge zeinetaqy jarnalary aýdaryldy, ol 2019 jylǵy kórsetkishten 94,8 mlrd teńgege nemese 10% asyp tústi. Jarnalardyń jalpy kóleminiń 95,6 paiyzyn BJZQ-ǵa MZJ boiynsha aýdarylǵan 1,04 trln teńge mólsherindegi túsim (ósim 10%) bar. 46,9 mlrd teńgeniń aýdarymy MKZJ boiynsha (ósim 8%) jasalsa, 539 million teńge EZJ boiynsha (ósim 51%) aýdarylǵan.
BJZQ-daǵy jeke zeinetaqy shottarynyń sany 2021 jyldyń 1 qańtarynda 11,6 millionǵa jetti. Shottardyń basym bóligi mindetti zeinetaqy jarnasy boiynsha ashylǵan, olardyń sany – 10 981 218 (ósim – 11%). Odan keiin mindetti kásiptik zeinetaqy jarnasy esebinen qalyptastyrylǵan shottar – 528 283 (ósim – 4%). BJZQ-daǵy erikti zeinetaqy jarnalary boiynsha ashylǵan shottardyń sany qazir 57 645 birlik (ósim – 6%).
