بٸرىڭعاي جيناقتاۋشى زەينەتاقى قورى قازاقستاندىقتار 2020 جىلى قانشا اقشا جيناعانىن جارييا ەتتٸ, دەپ حابارلايدى "ۇلت اقپارات".
2021 جىلدىڭ 1 قاڭتارىندا بٸرىڭعاي جيناقتاۋشى زەينەتاقى قورى سالىمشىلارىنىڭ شوتىندا 12,9 تريلليون تەڭگە زەينەتاقى جيناقتارى قالىپتاستىرىلدى. بٸر جىلدا 2,1 ترلن تەڭگەگە نەمەسە 20% كٶبەيدٸ.
زەينەتاقى جيناقتارىنىڭ نەگٸزگٸ سوماسى مٸندەتتٸ زەينەتاقى جارنالارى ەسەبٸنەن جيناقتالىپ, ونىڭ مٶلشەرٸ 12,6 ترلن تەڭگە بولدى. مٸندەتتٸ كەسٸپتٸك زەينەتاقى جارناسى بويىنشا زەينەتاقى جيناقتارىنىڭ سوماسى 315,3 ملرد تەڭگەگە, ال ەرٸكتٸ زەينەتاقى جارناسى بويىنشا زەينەتاقى جيناقتارىنىڭ سوماسى 2,2 ملرد تەڭگەگە جەتتٸ.
2020 جىلدىڭ باسىنان بەرٸ سالىمشىلاردىڭ شوتىنا جالپى كٶلەمٸ 1,1 ترلن تەڭگە زەينەتاقى جارنالارى اۋدارىلدى, ول 2019 جىلعى كٶرسەتكٸشتەن 94,8 ملرد تەڭگەگە نەمەسە 10% اسىپ تٷستٸ. جارنالاردىڭ جالپى كٶلەمٸنٸڭ 95,6 پايىزىن بجزق-عا مزج بويىنشا اۋدارىلعان 1,04 ترلن تەڭگە مٶلشەرٸندەگٸ تٷسٸم (ٶسٸم 10%) بار. 46,9 ملرد تەڭگەنٸڭ اۋدارىمى مكزج بويىنشا (ٶسٸم 8%) جاسالسا, 539 ميلليون تەڭگە ەزج بويىنشا (ٶسٸم 51%) اۋدارىلعان.
بجزق-داعى جەكە زەينەتاقى شوتتارىنىڭ سانى 2021 جىلدىڭ 1 قاڭتارىندا 11,6 ميلليونعا جەتتٸ. شوتتاردىڭ باسىم بٶلٸگٸ مٸندەتتٸ زەينەتاقى جارناسى بويىنشا اشىلعان, ولاردىڭ سانى – 10 981 218 (ٶسٸم – 11%). ودان كەيٸن مٸندەتتٸ كەسٸپتٸك زەينەتاقى جارناسى ەسەبٸنەن قالىپتاستىرىلعان شوتتار – 528 283 (ٶسٸم – 4%). بجزق-داعى ەرٸكتٸ زەينەتاقى جارنالارى بويىنشا اشىلعان شوتتاردىڭ سانى قازٸر 57 645 بٸرلٸك (ٶسٸم – 6%).
