Foto: © Pixabay / Bryan Santos
Qarjy ministrliginiń Memlekettik kirister komiteti Qazaqstannyń barlyq azamatynyń mobildi aýdarymdaryn tekserý qashan bastalatynyn málimdedi, - dep habarlaidy "Ult aqparat".
Vedomstvo málimetinshe, 2023 jyly Memlekettik kirister komitetine bank shottaryna kásipkerlik qyzmetke bailanysty aqsha túsetin azamattar týraly bankterden málimetter túse bastaǵan.
Kásipkerlik qyzmetti júzege asyrý belgilerin aiqyndaý kriteriii jeke tulǵanyń qatarynan úsh ai ishinde ártúrli tulǵadan jeke bank shotyna ai saiyn 100-den asa aýdarym alýy bolyp tabylady.
Bul rette Memlekettik kirister komiteti qazaqstandyqtardyń aýdarymdary týraly aqparatty bankterden kezeń-kezeńimen alý merzimderin belgiledi:
1) 2023 jylǵy 1 qańtardan bastap – memlekettik qyzmetshiler, olarǵa teńestirilgen adamdar jáne olardyń jubailary boiynsha (2022 jyldyń qorytyndysy boiynsha);
2) 2024 jylǵy 1 qańtardan bastap – memlekettik mekemelerdiń, kvazimemlekettik sektor sýbektileriniń qyzmetkerleri jáne olardyń jubailary boiynsha (2023 jyldyń qorytyndysy boiynsha);
3) 2025 jylǵy 1 qańtardan bastap – dara kásipkerler, zańdy tulǵalardyń basshylary jáne olardyń jubailary boiynsha (2024 jyldyń qorytyndysy boiynsha);
4) 2026 jylǵy 1 qańtardan bastap – halyqtyń qalǵan bóligi boiynsha (2025 jyldyń qorytyndysy boiynsha).
"Búginde aqparat tek memlekettik qyzmetshiler, olarǵa teńestirilgen adamdar jáne olardyń jubailary boiynsha alyndy.
Baqylaý sharalary adal salyq tóleýshilerge áser etpeidi jáne jasyryn kirister men tirkelmegen kásipkerlerdi anyqtaýǵa baǵyttalǵanyna nazar aýdaramyz.
Bul rette jeke tulǵalar ózderiniń jeke maqsattary úshin mobildi aýdarymdar jasai jáne qabyldai alady (týystaryna, dostaryna aýdarymdar, ata-analar men balalarǵa kómek, sondai-aq basqa da ómirlik jaǵdailar boiynsha)" - delingen habarlamada.
