فوتو: © Pixabay / Bryan Santos
قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ قازاقستاننىڭ بارلىق ازاماتىنىڭ موبيلدٸ اۋدارىمدارىن تەكسەرۋ قاشان باستالاتىنىن مەلٸمدەدٸ, - دەپ حابارلايدى "ۇلت اقپارات".
ۆەدومستۆو مەلٸمەتٸنشە, 2023 جىلى مەملەكەتتٸك كٸرٸستەر كوميتەتٸنە بانك شوتتارىنا كەسٸپكەرلٸك قىزمەتكە بايلانىستى اقشا تٷسەتٸن ازاماتتار تۋرالى بانكتەردەن مەلٸمەتتەر تٷسە باستاعان.
كەسٸپكەرلٸك قىزمەتتٸ جٷزەگە اسىرۋ بەلگٸلەرٸن ايقىنداۋ كريتەرييٸ جەكە تۇلعانىڭ قاتارىنان ٷش اي ٸشٸندە ەرتٷرلٸ تۇلعادان جەكە بانك شوتىنا اي سايىن 100-دەن اسا اۋدارىم الۋى بولىپ تابىلادى.
بۇل رەتتە مەملەكەتتٸك كٸرٸستەر كوميتەتٸ قازاقستاندىقتاردىڭ اۋدارىمدارى تۋرالى اقپاراتتى بانكتەردەن كەزەڭ-كەزەڭٸمەن الۋ مەرزٸمدەرٸن بەلگٸلەدٸ:
1) 2023 جىلعى 1 قاڭتاردان باستاپ – مەملەكەتتٸك قىزمەتشٸلەر, ولارعا تەڭەستٸرٸلگەن ادامدار جەنە ولاردىڭ جۇبايلارى بويىنشا (2022 جىلدىڭ قورىتىندىسى بويىنشا);
2) 2024 جىلعى 1 قاڭتاردان باستاپ – مەملەكەتتٸك مەكەمەلەردٸڭ, كۆازيمەملەكەتتٸك سەكتور سۋبەكتٸلەرٸنٸڭ قىزمەتكەرلەرٸ جەنە ولاردىڭ جۇبايلارى بويىنشا (2023 جىلدىڭ قورىتىندىسى بويىنشا);
3) 2025 جىلعى 1 قاڭتاردان باستاپ – دارا كەسٸپكەرلەر, زاڭدى تۇلعالاردىڭ باسشىلارى جەنە ولاردىڭ جۇبايلارى بويىنشا (2024 جىلدىڭ قورىتىندىسى بويىنشا);
4) 2026 جىلعى 1 قاڭتاردان باستاپ – حالىقتىڭ قالعان بٶلٸگٸ بويىنشا (2025 جىلدىڭ قورىتىندىسى بويىنشا).
"بٷگٸندە اقپارات تەك مەملەكەتتٸك قىزمەتشٸلەر, ولارعا تەڭەستٸرٸلگەن ادامدار جەنە ولاردىڭ جۇبايلارى بويىنشا الىندى.
باقىلاۋ شارالارى ادال سالىق تٶلەۋشٸلەرگە ەسەر ەتپەيدٸ جەنە جاسىرىن كٸرٸستەر مەن تٸركەلمەگەن كەسٸپكەرلەردٸ انىقتاۋعا باعىتتالعانىنا نازار اۋدارامىز.
بۇل رەتتە جەكە تۇلعالار ٶزدەرٸنٸڭ جەكە ماقساتتارى ٷشٸن موبيلدٸ اۋدارىمدار جاساي جەنە قابىلداي الادى (تۋىستارىنا, دوستارىنا اۋدارىمدار, اتا-انالار مەن بالالارعا كٶمەك, سونداي-اق باسقا دا ٶمٸرلٸك جاعدايلار بويىنشا)" - دەلٸنگەن حابارلامادا.
