Ulttyq valiýtadaǵy depozitterdiń kólemi 8 765,1 milliard teńge (bir aida 3,4 paiyzǵa qysqardy) boldy, shetel valiýtasyndaǵy depozitter 8 886,2 milliard teńgege deiin 3,7 paiyzǵa ulǵaidy. Dollarlaný deńgeii tamyzda 50,3 paiyzǵa teń boldy, - dep habarlaidy "Ult aqparat" QR Ulttyq bankiniń baspasóz qyzmetine silteme jasap.
"Rezidentterdiń depozittik uiymdardaǵy depozitteriniń kólemi bir aida is júzinde ózgermei (ósý 0,1 paiyzǵa), 2017 jylǵy tamyzdyń sońynda 17 651,3 milliard teńge bolǵan. Zańdy tulǵalardyń depozitteri 9 614,0 milliard teńgege deiin 0,9 paiyzǵa qysqardy, jeke tulǵalardyń depozitteri 8 037,3 milliard teńgege deiin 1,2 paiyzǵa ulǵaidy", - delingen qarjy retteýshisiniń habarlamasynda.
Zańdy tulǵalardyń ulttyq valiýtadaǵy depozitteri 2017 jylǵy tamyzda 3,6 paiyzǵa qysqaryp, 5 288,7 milliard teńge boldy, shetel valiýtasyndaǵy depozitteri 4 325,4 milliard teńgege deiin 2,7 paiyzǵa (zańdy tulǵalar depozitteriniń 45,0 paiyzy) ulǵaiǵan.
Jeke tulǵalardyń teńgemen depozitteri 3476,5 milliard teńgege deiin 3,1 paiyzǵa tómendedi, shetel valiýtasymen depozitter 4 560,8 milliard teńgege deiin 4,7 paiyz-ǵa (jeke tulǵalar depozitteriniń 56,7 paiyzy) ósti. Merzimdi depozitter 12 333,3 milliard teńgege deiin 2,7 paiyzǵa ósti.
Olardyń qurylymynda ulttyq valiýtamen salymdar 5 847,1 milliard teńge, shetel valiýtasymen salymdar 6 486,2 milliard teńge boldy.
Banktik emes zańdy tulǵalardyń ulttyq valiýtamen merzimdi depozitteri boiynsha ortasha alynǵan syiaqy mólsherlemesi 8,0paiyz (2016 jylǵy jeltoqsanda - 10,5paiyz), jeke tulǵalardyń depozitteri boiynsha 12,2 paiyz deńgeiinde qalyptasty.
