ۇلتتىق ۆاليۋتاداعى دەپوزيتتەردٸڭ كٶلەمٸ 8 765,1 ميلليارد تەڭگە (بٸر ايدا 3,4 پايىزعا قىسقاردى) بولدى, شەتەل ۆاليۋتاسىنداعى دەپوزيتتەر 8 886,2 ميلليارد تەڭگەگە دەيٸن 3,7 پايىزعا ۇلعايدى. دوللارلانۋ دەڭگەيٸ تامىزدا 50,3 پايىزعا تەڭ بولدى, - دەپ حابارلايدى "ۇلت اقپارات" قر ۇلتتىق بانكٸنٸڭ باسپاسٶز قىزمەتٸنە سٸلتەمە جاساپ.
"رەزيدەنتتەردٸڭ دەپوزيتتٸك ۇيىمدارداعى دەپوزيتتەرٸنٸڭ كٶلەمٸ بٸر ايدا ٸس جٷزٸندە ٶزگەرمەي (ٶسۋ 0,1 پايىزعا), 2017 جىلعى تامىزدىڭ سوڭىندا 17 651,3 ميلليارد تەڭگە بولعان. زاڭدى تۇلعالاردىڭ دەپوزيتتەرٸ 9 614,0 ميلليارد تەڭگەگە دەيٸن 0,9 پايىزعا قىسقاردى, جەكە تۇلعالاردىڭ دەپوزيتتەرٸ 8 037,3 ميلليارد تەڭگەگە دەيٸن 1,2 پايىزعا ۇلعايدى", - دەلٸنگەن قارجى رەتتەۋشٸسٸنٸڭ حابارلاماسىندا.
زاڭدى تۇلعالاردىڭ ۇلتتىق ۆاليۋتاداعى دەپوزيتتەرٸ 2017 جىلعى تامىزدا 3,6 پايىزعا قىسقارىپ, 5 288,7 ميلليارد تەڭگە بولدى, شەتەل ۆاليۋتاسىنداعى دەپوزيتتەرٸ 4 325,4 ميلليارد تەڭگەگە دەيٸن 2,7 پايىزعا (زاڭدى تۇلعالار دەپوزيتتەرٸنٸڭ 45,0 پايىزى) ۇلعايعان.
جەكە تۇلعالاردىڭ تەڭگەمەن دەپوزيتتەرٸ 3476,5 ميلليارد تەڭگەگە دەيٸن 3,1 پايىزعا تٶمەندەدٸ, شەتەل ۆاليۋتاسىمەن دەپوزيتتەر 4 560,8 ميلليارد تەڭگەگە دەيٸن 4,7 پايىز-عا (جەكە تۇلعالار دەپوزيتتەرٸنٸڭ 56,7 پايىزى) ٶستٸ. مەرزٸمدٸ دەپوزيتتەر 12 333,3 ميلليارد تەڭگەگە دەيٸن 2,7 پايىزعا ٶستٸ.
ولاردىڭ قۇرىلىمىندا ۇلتتىق ۆاليۋتامەن سالىمدار 5 847,1 ميلليارد تەڭگە, شەتەل ۆاليۋتاسىمەن سالىمدار 6 486,2 ميلليارد تەڭگە بولدى.
بانكتٸك ەمەس زاڭدى تۇلعالاردىڭ ۇلتتىق ۆاليۋتامەن مەرزٸمدٸ دەپوزيتتەرٸ بويىنشا ورتاشا الىنعان سىياقى مٶلشەرلەمەسٸ 8,0پايىز (2016 جىلعى جەلتوقساندا - 10,5پايىز), جەكە تۇلعالاردىڭ دەپوزيتتەرٸ بويىنشا 12,2 پايىز دەڭگەيٸندە قالىپتاستى.
