Ulttyq Olimpiada komitetiniń bas hatshysy Andrei Kriýkov Tokioda ótken jazǵy olimpiada oiyndarynda qazaqstandyqtar tabysty óner kórsetken sport túrlerin atady, dep habarlaidy QazAqparat.
«Bizdiń komandanyń Tokio Olimpiadasyndaǵy ónerin tabysy boiynsha 4 topqa bólýge bolady. Karate, tennis, sport gimnastikasy, aýyr atletika boiynsha tabysty óner kórsettik. Sadaqtan atý, baidarka esý, erkin kúres sportshylary nátijesin jaqsartty. Tasjoldaǵy velosiped sporty kórsetkishin nasharlatyp aldy. Boks, grek-rim kúresi, áielder jeńil atletikasy qanaǵattanarlyq nátije kórsetti. Bul baǵanyń bári tiisti federatsiialarmen ótken kezdesýler aiasynda berilip otyr», - dedi komitettiń bas hatshysy.
Eske salsaq, Ulttyq Olimpiada komiteti bas assambleiasynyń otyrysynda Baqtiiar Artaev boksshylardyń Tokiodaǵy sátsizdigi úshin keshirim suraǵan bolatyn.
«Árine, Tokio Olimpiadasynda óte sátsiz bolǵan kórsetkishimiz úshin keshirim suraimyz. Aldaǵy ýaqytta saraptama, júieli jumys jasalyp, kelesi Olimpiada oiyndarynda ózimizdiń burynǵy kórsetkishterimizge qaita oralyp, joǵary nátije kórsetemiz dep sendirgim keledi. Qoldaýlaryńyzǵa kóp rahmet. Ári qarai júieli jumys jasap, sporttaǵy kórsetkishterimizdi jaqsartamyz. Eshqandai suraq joq, rahmet aitqym keledi», - dedi memlekettik jattyqtyrýshy.
