ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ توكيودا ٶتكەن جازعى وليمپيادا ويىندارىندا قازاقستاندىقتار تابىستى ٶنەر كٶرسەتكەن سپورت تٷرلەرٸن اتادى, دەپ حابارلايدى قازاقپارات.
«بٸزدٸڭ كوماندانىڭ توكيو وليمپياداسىنداعى ٶنەرٸن تابىسى بويىنشا 4 توپقا بٶلۋگە بولادى. كاراتە, تەننيس, سپورت گيمناستيكاسى, اۋىر اتلەتيكا بويىنشا تابىستى ٶنەر كٶرسەتتٸك. ساداقتان اتۋ, بايداركا ەسۋ, ەركٸن كٷرەس سپورتشىلارى نەتيجەسٸن جاقسارتتى. تاسجولداعى ۆەلوسيپەد سپورتى كٶرسەتكٸشٸن ناشارلاتىپ الدى. بوكس, گرەك-ريم كٷرەسٸ, ەيەلدەر جەڭٸل اتلەتيكاسى قاناعاتتانارلىق نەتيجە كٶرسەتتٸ. بۇل باعانىڭ بەرٸ تيٸستٸ فەدەراتسييالارمەن ٶتكەن كەزدەسۋلەر اياسىندا بەرٸلٸپ وتىر», - دەدٸ كوميتەتتٸڭ باس حاتشىسى.
ەسكە سالساق, ۇلتتىق وليمپيادا كوميتەتٸ باس اسسامبلەياسىنىڭ وتىرىسىندا باقتييار ارتاەۆ بوكسشىلاردىڭ توكيوداعى سەتسٸزدٸگٸ ٷشٸن كەشٸرٸم سۇراعان بولاتىن.
«ەرينە, توكيو وليمپياداسىندا ٶتە سەتسٸز بولعان كٶرسەتكٸشٸمٸز ٷشٸن كەشٸرٸم سۇرايمىز. الداعى ۋاقىتتا ساراپتاما, جٷيەلٸ جۇمىس جاسالىپ, كەلەسٸ وليمپيادا ويىندارىندا ٶزٸمٸزدٸڭ بۇرىنعى كٶرسەتكٸشتەرٸمٸزگە قايتا ورالىپ, جوعارى نەتيجە كٶرسەتەمٸز دەپ سەندٸرگٸم كەلەدٸ. قولداۋلارىڭىزعا كٶپ راحمەت. ەرٸ قاراي جٷيەلٸ جۇمىس جاساپ, سپورتتاعى كٶرسەتكٸشتەرٸمٸزدٸ جاقسارتامىز. ەشقانداي سۇراق جوق, راحمەت ايتقىم كەلەدٸ», - دەدٸ مەملەكەتتٸك جاتتىقتىرۋشى.
