Qazaqstandaǵy rezidentter depozittik uiymdarda 27,1 trln teńgeniń aktivin ustap otyr, dep habarlaidy QazAqparat.
Ulttyq banktiń málimeti boiynsha jeltoqsan aiynda, depozittik uiymdarda ustalatyn aqshanyń kólemi 5,1% ulǵaiyp, 27 trln 101,6 mlrd teńgege jetken. Iaǵni, jyldyq ósim 22,7% degen sóz. Onyń ishinde, zańdy tulǵalardyń depozitteri bir aida 13 trln 836,6 mlrd teńgege deiin nemese 5,9% artsa, jeke tulǵalardyń depozitteri 13 trln 264,9 mlrd teńgege deiin nemese 4,2% ósken.
Ulttyq valiýtadaǵy depozitterdiń kólemi bir aida 17 trln 337,5 mlrd teńgege deiin nemese 7,1% ulǵaisa, shetel valiýtasynda 9 trln 764,1 mlrd teńgege deiin nemese 1,7% kóbeigen. Demek, depozitterdiń 36,0%-y dollarmen saqtalyp otyr. 2020 jylǵy jeltoqsanda onyń mólsheri 37,3% bolǵan .
«Zańdy tulǵalardyń ulttyq valiýtadaǵy depozitteri 2021 jylǵy jeltoqsanda 8 trln 629,3 mlrd teńgege deiin nemese 7,3% artty. Shetel valiýtasynda – 5 207,3 mlrd teńgege deiin nemese 3,6% ulǵaidy. Bul – zańdy tulǵalarǵa tiesili depozitterdiń 37,6%-y», - dep jazady Ulttyq banktiń resmi saity.
Al jeke tulǵalardyń teńgedegi depozitteri 8 trln 708,2 mlrd teńge bolsa, (6,8% ulǵaidy), shetel valiýtasynda 4 trln 556,7 mlrd teńgege (0,4%) azaidy.
Merzimdi depozitterdiń kólemi bir aida 0,2% ulǵaiyp, 17 trln 896,2 mlrd teńge bolǵan. Onyń ishinde ulttyq valiýtadaǵy salymdar 11 trln 547,2 mlrd teńge, shetel valiýtasyndaǵy salymdar – 6 349,0 mlrd teńge boldy.
Banktik emes zańdy tulǵalardyń ulttyq valiýtadaǵy merzimdi depozitterine ortasha syiaqy mólsherlemesi 7,3% (2020 jylǵy jeltoqsanda da – 7,3%), jeke tulǵalardyń depozitteri boiynsha – 7,8% (9,2%) bolǵan.
