قازاقستانداعى رەزيدەنتتەر دەپوزيتتٸك ۇيىمداردا 27,1 ترلن تەڭگەنٸڭ اكتيۆٸن ۇستاپ وتىر, دەپ حابارلايدى قازاقپارات.
ۇلتتىق بانكتٸڭ مەلٸمەتٸ بويىنشا جەلتوقسان ايىندا, دەپوزيتتٸك ۇيىمداردا ۇستالاتىن اقشانىڭ كٶلەمٸ 5,1% ۇلعايىپ, 27 ترلن 101,6 ملرد تەڭگەگە جەتكەن. ياعني, جىلدىق ٶسٸم 22,7% دەگەن سٶز. ونىڭ ٸشٸندە, زاڭدى تۇلعالاردىڭ دەپوزيتتەرٸ بٸر ايدا 13 ترلن 836,6 ملرد تەڭگەگە دەيٸن نەمەسە 5,9% ارتسا, جەكە تۇلعالاردىڭ دەپوزيتتەرٸ 13 ترلن 264,9 ملرد تەڭگەگە دەيٸن نەمەسە 4,2% ٶسكەن.
ۇلتتىق ۆاليۋتاداعى دەپوزيتتەردٸڭ كٶلەمٸ بٸر ايدا 17 ترلن 337,5 ملرد تەڭگەگە دەيٸن نەمەسە 7,1% ۇلعايسا, شەتەل ۆاليۋتاسىندا 9 ترلن 764,1 ملرد تەڭگەگە دەيٸن نەمەسە 1,7% كٶبەيگەن. دەمەك, دەپوزيتتەردٸڭ 36,0%-ى دوللارمەن ساقتالىپ وتىر. 2020 جىلعى جەلتوقساندا ونىڭ مٶلشەرٸ 37,3% بولعان .
«زاڭدى تۇلعالاردىڭ ۇلتتىق ۆاليۋتاداعى دەپوزيتتەرٸ 2021 جىلعى جەلتوقساندا 8 ترلن 629,3 ملرد تەڭگەگە دەيٸن نەمەسە 7,3% ارتتى. شەتەل ۆاليۋتاسىندا – 5 207,3 ملرد تەڭگەگە دەيٸن نەمەسە 3,6% ۇلعايدى. بۇل – زاڭدى تۇلعالارعا تيەسٸلٸ دەپوزيتتەردٸڭ 37,6%-ى», - دەپ جازادى ۇلتتىق بانكتٸڭ رەسمي سايتى.
ال جەكە تۇلعالاردىڭ تەڭگەدەگٸ دەپوزيتتەرٸ 8 ترلن 708,2 ملرد تەڭگە بولسا, (6,8% ۇلعايدى), شەتەل ۆاليۋتاسىندا 4 ترلن 556,7 ملرد تەڭگەگە (0,4%) ازايدى.
مەرزٸمدٸ دەپوزيتتەردٸڭ كٶلەمٸ بٸر ايدا 0,2% ۇلعايىپ, 17 ترلن 896,2 ملرد تەڭگە بولعان. ونىڭ ٸشٸندە ۇلتتىق ۆاليۋتاداعى سالىمدار 11 ترلن 547,2 ملرد تەڭگە, شەتەل ۆاليۋتاسىنداعى سالىمدار – 6 349,0 ملرد تەڭگە بولدى.
بانكتٸك ەمەس زاڭدى تۇلعالاردىڭ ۇلتتىق ۆاليۋتاداعى مەرزٸمدٸ دەپوزيتتەرٸنە ورتاشا سىياقى مٶلشەرلەمەسٸ 7,3% (2020 جىلعى جەلتوقساندا دا – 7,3%), جەكە تۇلعالاردىڭ دەپوزيتتەرٸ بويىنشا – 7,8% (9,2%) بولعان.
