Qazaqstandyq temir jol vagondary sheteldik kásiporyndarda jóndeledi. Onyń sebebin «Jolaýshylar tasymaly» AQ bas direktorynyń orynbasary Asylhan Qaldykózov túsindirdi, dep habarlaidy QazAqparat.
Onyń aitýynsha, 2019-2020 jyldary shamamen 85 vagondy jańartý josparlanǵan. Bir vagondy jańartýǵa shamamen 100 mln teńge qarjy ketedi. Al jańa vagonnyń quny 400 mln teńgeden asyp jyǵylady.
«Qazaqstanda otandyq vagon jasaý zaýyty bar bolǵanymen onyń shamasy jetpeidi. Postsovettik keńistikte Resei, Ýkraina jáne Belarýs zaýyttary bar. Mine, osy zaýyttar bizge qyzmet kórsetedi. Bizdegi úsh kompaniianyń eń irisi Almaty vagon jóndeý zaýyty sanalady. Biraq, olardyń shamasy jetpeidi. Sebebi másele vagondardyń sapasyn túbegeili jaqsartý jaiynda bolyp otyr», - dedi ol búgin Ortalyq kommýnikatsiialar qyzmetindegi baspasóz máslihatynda.
Bas direktory orynbasarynyń dereginshe, qańtar aiynda jańartylǵan vagondardyń alǵashqy legi elimizge jetkiziledi.
«Olar eýropalyq standartpen ári sapamen jóndelgen. Jolaýshylar úshin barlyq qolaily jaǵdai jasalǵan. Naqty aitqanda onda ornatylǵan dúnieniń bári jańa. Bir bóligin, Balarýsta, endi birin Ýkraina men Reseide jóndeimiz», - dedi Asylhan Qaldykózov.
