قازاقستاندىق تەمٸر جول ۆاگوندارى شەتەلدٸك كەسٸپورىنداردا جٶندەلەدٸ. ونىڭ سەبەبٸن «جولاۋشىلار تاسىمالى» اق باس ديرەكتورىنىڭ ورىنباسارى اسىلحان قالدىكٶزوۆ تٷسٸندٸردٸ, دەپ حابارلايدى قازاقپارات.
ونىڭ ايتۋىنشا, 2019-2020 جىلدارى شامامەن 85 ۆاگوندى جاڭارتۋ جوسپارلانعان. بٸر ۆاگوندى جاڭارتۋعا شامامەن 100 ملن تەڭگە قارجى كەتەدٸ. ال جاڭا ۆاگوننىڭ قۇنى 400 ملن تەڭگەدەن اسىپ جىعىلادى.
«قازاقستاندا وتاندىق ۆاگون جاساۋ زاۋىتى بار بولعانىمەن ونىڭ شاماسى جەتپەيدٸ. پوستسوۆەتتٸك كەڭٸستٸكتە رەسەي, ۋكراينا جەنە بەلارۋس زاۋىتتارى بار. مٸنە, وسى زاۋىتتار بٸزگە قىزمەت كٶرسەتەدٸ. بٸزدەگٸ ٷش كومپانييانىڭ ەڭ ٸرٸسٸ الماتى ۆاگون جٶندەۋ زاۋىتى سانالادى. بٸراق, ولاردىڭ شاماسى جەتپەيدٸ. سەبەبٸ مەسەلە ۆاگونداردىڭ ساپاسىن تٷبەگەيلٸ جاقسارتۋ جايىندا بولىپ وتىر», - دەدٸ ول بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
باس ديرەكتورى ورىنباسارىنىڭ دەرەگٸنشە, قاڭتار ايىندا جاڭارتىلعان ۆاگونداردىڭ العاشقى لەگٸ ەلٸمٸزگە جەتكٸزٸلەدٸ.
«ولار ەۋروپالىق ستاندارتپەن ەرٸ ساپامەن جٶندەلگەن. جولاۋشىلار ٷشٸن بارلىق قولايلى جاعداي جاسالعان. ناقتى ايتقاندا وندا ورناتىلعان دٷنيەنٸڭ بەرٸ جاڭا. بٸر بٶلٸگٸن, بالارۋستا, ەندٸ بٸرٸن ۋكراينا مەن رەسەيدە جٶندەيمٸز», - دەدٸ اسىلحان قالدىكٶزوۆ.
