Qazaqstan Prezidenti Qasym-Jomart Toqaev otandyq vaktsina saldyratynyn aitty, dep habarlaidy "Ult aqparat".
"Vaktsinatsiialaýdy sapaly ótkizý úshin barlyq jaǵdaidy jasaý kerek. Vaktsinalaý boiynsha naýqan uiymdastyrylǵan tártipte ótýi kerek. Úkimetke ákimdermen birlese tolyqqandy daiyndyqty qamtamasyz etip, 1 aqpannan jappai vaktsinalaýǵa kirisýdi tapsyramyn.
Otandyq vaktsinanyń synaǵy oń qorytyndy beredi dep úmittenemiz. Eger jaqsy nátije kórsetse, men dál osy qazaqstandyq vaktsina saldyramyn", - dedi Toqaev úkimettiń keńeitilgen otyrysynda.
Prezident daǵdarysty eńserýdiń eń pármendi ári júieli sharasy jappai vaktsinatsiialaý ekenin atap ótti.
"Keibir arandatýshylar aityp júrgendei, kúshtep vaktsina egý degen bolmaidy. Biraq adamdar vaktsinatsiianyń qiyn jaǵdaidan shyǵýdyń joly ekenin túsinýi kerek", - dedi Memleket basshysy.
Toqaev ekpe egý naýqanyn sapaly júrgizý qajet ekenin aitty.
Ol úkimetke ákimdermen birlesip tolyqqandy daiyndyq júrgizýdi jáne 1 aqpannan jappai vaktsinatsiialaýdy bastaýdy tapsyrdy.
