قازاقستان پرەزيدەنتٸ قاسىم-جومارت توقاەۆ وتاندىق ۆاكتسينا سالدىراتىنىن ايتتى, دەپ حابارلايدى "ۇلت اقپارات".
"ۆاكتسيناتسييالاۋدى ساپالى ٶتكٸزۋ ٷشٸن بارلىق جاعدايدى جاساۋ كەرەك. ۆاكتسينالاۋ بويىنشا ناۋقان ۇيىمداستىرىلعان تەرتٸپتە ٶتۋٸ كەرەك. ٷكٸمەتكە ەكٸمدەرمەن بٸرلەسە تولىققاندى دايىندىقتى قامتاماسىز ەتٸپ, 1 اقپاننان جاپپاي ۆاكتسينالاۋعا كٸرٸسۋدٸ تاپسىرامىن.
وتاندىق ۆاكتسينانىڭ سىناعى وڭ قورىتىندى بەرەدٸ دەپ ٷمٸتتەنەمٸز. ەگەر جاقسى نەتيجە كٶرسەتسە, مەن دەل وسى قازاقستاندىق ۆاكتسينا سالدىرامىن", - دەدٸ توقاەۆ ٷكٸمەتتٸڭ كەڭەيتٸلگەن وتىرىسىندا.
پرەزيدەنت داعدارىستى ەڭسەرۋدٸڭ ەڭ پەرمەندٸ ەرٸ جٷيەلٸ شاراسى جاپپاي ۆاكتسيناتسييالاۋ ەكەنٸن اتاپ ٶتتٸ.
"كەيبٸر ارانداتۋشىلار ايتىپ جٷرگەندەي, كٷشتەپ ۆاكتسينا ەگۋ دەگەن بولمايدى. بٸراق ادامدار ۆاكتسيناتسييانىڭ قيىن جاعدايدان شىعۋدىڭ جولى ەكەنٸن تٷسٸنۋٸ كەرەك", - دەدٸ مەملەكەت باسشىسى.
توقاەۆ ەكپە ەگۋ ناۋقانىن ساپالى جٷرگٸزۋ قاجەت ەكەنٸن ايتتى.
ول ٷكٸمەتكە ەكٸمدەرمەن بٸرلەسٸپ تولىققاندى دايىندىق جٷرگٸزۋدٸ جەنە 1 اقپاننان جاپپاي ۆاكتسيناتسييالاۋدى باستاۋدى تاپسىردى.
