Foto: © Sputnik / Abzal Kaliev
Kólik prokýratýrasynyń qadaǵalaý aktisi boiynsha 2 myńnan astam kásipker 2,4 mlrd teńge aqshasyn qaitaryp alatyn boldy, dep habarlaidy "Ult aqparat".
Vedomstvo málimetinshe, quqyq qorǵaý qyzmeti aiasynda Bas kólik prokýratýrasy biznes sýbektileriniń quqyqtaryna nuqsan keltiretin faktilerdi anyqtaǵan.
2022 jyldan bastap qorshaǵan ortaǵa teris áser etkeni úshin tólenetin tólemder boiynsha mindettemeler ózgertilip, kásipkerlerdiń jekelegen sanattary ekologiialyq tólemderden bosatylǵan.
Osyǵan qaramastan, bul mán-jailardy bilmegen kásipkerler tiisti tólemderdi júrgizýdi jalǵastyra bergen. Al salyq organdary olardyń negizsiz shyǵyndaryn boldyrmaý maqsatynda tiisti túsindirý jumystaryn júrgizbegen.
Mysaly, osyndai tólemdi tóleýshiler sanatyna kirmeitin «№3 Sk avtovokzal parki» JShS memleket biýdjetine 15 mln astam teńge tólegen. Sol siiaqty basqa 2 203 kásipker de biýdjetke negizsiz 2,4 mlrd teńgeden joǵary qarajatty aýdarǵan.
"Kólik prokýratýrasy organdarynyń aralasýynan keiin ǵana kásipkerlerge olardy osyndai alymdardy tóleýshiler tiziminen alyp tastaǵandyǵy týraly aqpar jetkizildi.
Sonymen qatar kólik prokýratýrasynyń aktisi boiynsha kásipkerlerge aqshalai qarajatty qaitarý boiynsha jumys bastalǵan. 500-den astam kásipkerge shamamen 30 mln teńge qaitaryldy.
Memlekettik kirister komitetine salyq zańnamasyndaǵy ózgerister týraly aqparatty biznes qaýymdastyqqa tiimdi jetkizý jónindegi sharalardy ázirlei otyryp, osyndai jaǵdaidyń týyndaý sebepterin taldaý tapsyryldy" - delingen habarlamada.
