فوتو: © Sputnik / ابزال كاليەۆ
كٶلٸك پروكۋراتۋراسىنىڭ قاداعالاۋ اكتٸسٸ بويىنشا 2 مىڭنان استام كەسٸپكەر 2,4 ملرد تەڭگە اقشاسىن قايتارىپ الاتىن بولدى, دەپ حابارلايدى "ۇلت اقپارات".
ۆەدومستۆو مەلٸمەتٸنشە, قۇقىق قورعاۋ قىزمەتٸ اياسىندا باس كٶلٸك پروكۋراتۋراسى بيزنەس سۋبەكتٸلەرٸنٸڭ قۇقىقتارىنا نۇقسان كەلتٸرەتٸن فاكتٸلەردٸ انىقتاعان.
2022 جىلدان باستاپ قورشاعان ورتاعا تەرٸس ەسەر ەتكەنٸ ٷشٸن تٶلەنەتٸن تٶلەمدەر بويىنشا مٸندەتتەمەلەر ٶزگەرتٸلٸپ, كەسٸپكەرلەردٸڭ جەكەلەگەن ساناتتارى ەكولوگييالىق تٶلەمدەردەن بوساتىلعان.
وسىعان قاراماستان, بۇل مەن-جايلاردى بٸلمەگەن كەسٸپكەرلەر تيٸستٸ تٶلەمدەردٸ جٷرگٸزۋدٸ جالعاستىرا بەرگەن. ال سالىق ورگاندارى ولاردىڭ نەگٸزسٸز شىعىندارىن بولدىرماۋ ماقساتىندا تيٸستٸ تٷسٸندٸرۋ جۇمىستارىن جٷرگٸزبەگەن.
مىسالى, وسىنداي تٶلەمدٸ تٶلەۋشٸلەر ساناتىنا كٸرمەيتٸن «№3 Sk اۆتوۆوكزال پاركٸ» جشس مەملەكەت بيۋدجەتٸنە 15 ملن استام تەڭگە تٶلەگەن. سول سيياقتى باسقا 2 203 كەسٸپكەر دە بيۋدجەتكە نەگٸزسٸز 2,4 ملرد تەڭگەدەن جوعارى قاراجاتتى اۋدارعان.
"كٶلٸك پروكۋراتۋراسى ورگاندارىنىڭ ارالاسۋىنان كەيٸن عانا كەسٸپكەرلەرگە ولاردى وسىنداي الىمداردى تٶلەۋشٸلەر تٸزٸمٸنەن الىپ تاستاعاندىعى تۋرالى اقپار جەتكٸزٸلدٸ.
سونىمەن قاتار كٶلٸك پروكۋراتۋراسىنىڭ اكتٸسٸ بويىنشا كەسٸپكەرلەرگە اقشالاي قاراجاتتى قايتارۋ بويىنشا جۇمىس باستالعان. 500-دەن استام كەسٸپكەرگە شامامەن 30 ملن تەڭگە قايتارىلدى.
مەملەكەتتٸك كٸرٸستەر كوميتەتٸنە سالىق زاڭناماسىنداعى ٶزگەرٸستەر تۋرالى اقپاراتتى بيزنەس قاۋىمداستىققا تيٸمدٸ جەتكٸزۋ جٶنٸندەگٸ شارالاردى ەزٸرلەي وتىرىپ, وسىنداي جاعدايدىڭ تۋىنداۋ سەبەپتەرٸن تالداۋ تاپسىرىلدى" - دەلٸنگەن حابارلامادا.
