Saýda jáne integratsiia ministri Baqyt Sultanov qazaqstandyq eksporterler ministrlikke kóbinese qandai suraqtarmen júginetinin aityp berdi, dep habarlaidy QazAqparat.
«Biz @exportgov telegramm-chaty arqyly eksporterlermen «tikelei bailanysty» jolǵa qoidyq. Táýlik boiy bizdiń mamandar biznes ókilderinen ótinimderdi qabyldap, týyndaǵan máselelerdi barynsha tez sheshýge tyrysady», - dedi Baqyt Sultanov OKQ-da ótken baspasóz máslihatynda.
Ministr sonymen qatar eksporterlermen júrgizilgen saýalnama barysynda olardyń kóbinese qandai máselelermen betpe-bet kelgeni anyqtalǵan.
«Olar – eksporttyq analitikalyq turǵyda qoldaý, eksporttyq qujattamany daiarlaý kezinde konsalting, jeńildikpen beriletin qarajatty alý máseleleri», - dedi ol.
Saýda jáne integratsiia ministri saýalnama nátijesinde naryqtardyń syrtqy taldaý blogyna kóbirek nazar aýdaryla bastaǵanyn jetkizdi.
«Osy jyldyń 9 aiynyń ózinde 103 kásipkerge eksporttyq baǵyttaǵy jumysty engizýdi jaqsartý kerektigi jóninde keńes berildi. Ónimderin syrtqa shyǵarý boiynsha kásiporyndarǵa arnalyp, 14 salalyq Ekspress Daidjest daiyndaldy. Shetelderdegi mekemelerimizben ózara qarym-qatynas jasaýdyń úshdeńgeili modeli retke keltirildi: elshilikter Qazaqstannyń saýda agentine ainalyp, kontrseriktesterdi izdeý boiynsha jumystardy júrgizýde. Sonymen qatar eksporterlerdi memlekettik turǵyda qoldaýdyń monetarlyq quraldary belsendi túrde iske qosyldy», - dedi Baqyt Sultanov.
