Qazaqstandyq kásipqoi boksshy Bobyrjan Momynovqa chempiondyq beldik alty aidan keiin tabys etildi, dep habarlaidy QazAqparat.
«Kelesisi Intercontinental chempionynyń beldigi emes, jartylai ortasha salmaqtaǵy álem chempionynyń beldigi bolar degen úmittemin», - deidi Bobyrjan Momynov.
Qazaqstandyqqa beldikti Ulttyq boks qaýymdastyǵynyń (NBA) prezidenti Deimon Gonsales uiymnyń shtab-páterinde tabys etti. Endigi kezekte, Bobyrjan Momynov - jartylai ortasha salmaqta NBA Intercontinental resmi chempiony sanalady.
Júldeni boksshy gúrjilik boksshy Anzor Gamgebelidi jeńgeni úshin alyp otyr. Atalmysh kezdesý 2018 jyldyń qyrkúiek aiynda bolǵanyn atap ótý kerek. Sol aiqasta otandasymyz kezdesýdi ýaqytynan buryn aiaqtaǵan bolatyn. Osydan keiin qazaqstandyq amerikalyq Djonatan Stildi jeńgen. Alaida belgisiz sebeptermen beldik boksshyǵa keshigip berilip otyr.
Eske sala ketsek, ótken jyldyń shilde aiynda Beibit Shúmenov pen Hamit Altynkai aiqasynyń anderkartynda sharshy alańǵa shyqqan qazaqstandyq kásipqoi boksshy Baýyrjan Momynov Grýziiadan kelgen Giorgi Bliiadzeni de utqan bolatyn.
