قازاقستاندىق كەسٸپقوي بوكسشى بوبىرجان مومىنوۆقا چەمپيوندىق بەلدٸك التى ايدان كەيٸن تابىس ەتٸلدٸ, دەپ حابارلايدى قازاقپارات.
«كەلەسٸسٸ Intercontinental چەمپيونىنىڭ بەلدٸگٸ ەمەس, جارتىلاي ورتاشا سالماقتاعى ەلەم چەمپيونىنىڭ بەلدٸگٸ بولار دەگەن ٷمٸتتەمٸن», - دەيدٸ بوبىرجان مومىنوۆ.
قازاقستاندىققا بەلدٸكتٸ ۇلتتىق بوكس قاۋىمداستىعىنىڭ (NBA) پرەزيدەنتٸ دەيمون گونسالەس ۇيىمنىڭ شتاب-پەتەرٸندە تابىس ەتتٸ. ەندٸگٸ كەزەكتە, بوبىرجان مومىنوۆ - جارتىلاي ورتاشا سالماقتا NBA Intercontinental رەسمي چەمپيونى سانالادى.
جٷلدەنٸ بوكسشى گٷرجٸلٸك بوكسشى انزور گامگەبەليدٸ جەڭگەنٸ ٷشٸن الىپ وتىر. اتالمىش كەزدەسۋ 2018 جىلدىڭ قىركٷيەك ايىندا بولعانىن اتاپ ٶتۋ كەرەك. سول ايقاستا وتانداسىمىز كەزدەسۋدٸ ۋاقىتىنان بۇرىن اياقتاعان بولاتىن. وسىدان كەيٸن قازاقستاندىق امەريكالىق دجوناتان ستيلدٸ جەڭگەن. الايدا بەلگٸسٸز سەبەپتەرمەن بەلدٸك بوكسشىعا كەشٸگٸپ بەرٸلٸپ وتىر.
ەسكە سالا كەتسەك, ٶتكەن جىلدىڭ شٸلدە ايىندا بەيبٸت شٷمەنوۆ پەن حاميت التىنكاي ايقاسىنىڭ اندەركارتىندا شارشى الاڭعا شىققان قازاقستاندىق كەسٸپقوي بوكسشى باۋىرجان مومىنوۆ گرۋزييادان كەلگەن گيورگي بلييادزەنٸ دە ۇتقان بولاتىن.
