Qazaqstandyq bankter "MIR" júiesiniń tólem kartalary boiynsha operatsiialar júrgizýge ruqsat aldy, - dep habarlaidy "Ult aqparat" Qarjy naryǵyn retteý jáne damytý agenttigine silteme jasap.
Vedomstvo málimetinshe, 2022 jylǵy 8 jeltoqsanda retteýshiler AQSh Qarjy ministrliginiń bólimshesi - Sheteldik aktivterdi baqylaý basqarmasynan (OFAC) hat alǵan, onda amerikalyq vedomstvo "MIR" júiesiniń bank kartalaryn jeke tulǵalardyń, atap aitqanda Reseiden Qazaqstanǵa qonys aýdarǵan azamattardyń kúndelikti ómir súrýin qamtamasyz etetin operatsiialar jasaý úshin paidalanýyna qarsylyq bildirmeitinin túsindirdi.
"Bul rette, hatta osy tólem júiesimen jasalatyn operatsiialar Reseige qarsy sanktsiialardy ainalyp ótý úshin ony paidalanýǵa jol bermeý maqsatynda erekshe baqylaýda qalatyny aitylǵan", - delingen habarlamada.
Qazaqstan Respýblikasynyń aýmaǵynda "MIR" júiesiniń tólem kartalaryn paidalaný múmkindikteri týraly túsinikteme berý úshin Qazaqstan Respýblikasynyń Qarjy naryǵyn retteý jáne damytý agenttigi qazaqstandyq bankterdiń ókilderimen kezdesý ótkizgen.
"Osylaisha, qazaqstandyq bankter "MIR" kartalary boiynsha tólemderdi, aýdarymdardy qabyldaýǵa, sondai-aq jeke tulǵalar úshin bankomattar arqyly qolma-qol aqsha berýdi júzege asyrýǵa quqyly. Bul rette "MIR" júiesine qosylý týraly sheshimdi qazaqstandyq bankter ózderiniń damý strategiialary men táýekelderdi baǵalaýdyń ishki júieleri negizinde derbes qabyldaidy", - delingen habarlamada.
