قازاقستاندىق بانكتەر "مير" جٷيەسٸنٸڭ تٶلەم كارتالارى بويىنشا وپەراتسييالار جٷرگٸزۋگە رۇقسات الدى, - دەپ حابارلايدى "ۇلت اقپارات" قارجى نارىعىن رەتتەۋ جەنە دامىتۋ اگەنتتٸگٸنە سٸلتەمە جاساپ.
ۆەدومستۆو مەلٸمەتٸنشە, 2022 جىلعى 8 جەلتوقساندا رەتتەۋشٸلەر اقش قارجى مينيسترلٸگٸنٸڭ بٶلٸمشەسٸ - شەتەلدٸك اكتيۆتەردٸ باقىلاۋ باسقارماسىنان (OFAC) حات العان, وندا امەريكالىق ۆەدومستۆو "مير" جٷيەسٸنٸڭ بانك كارتالارىن جەكە تۇلعالاردىڭ, اتاپ ايتقاندا رەسەيدەن قازاقستانعا قونىس اۋدارعان ازاماتتاردىڭ كٷندەلٸكتٸ ٶمٸر سٷرۋٸن قامتاماسىز ەتەتٸن وپەراتسييالار جاساۋ ٷشٸن پايدالانۋىنا قارسىلىق بٸلدٸرمەيتٸنٸن تٷسٸندٸردٸ.
"بۇل رەتتە, حاتتا وسى تٶلەم جٷيەسٸمەن جاسالاتىن وپەراتسييالار رەسەيگە قارسى سانكتسييالاردى اينالىپ ٶتۋ ٷشٸن ونى پايدالانۋعا جول بەرمەۋ ماقساتىندا ەرەكشە باقىلاۋدا قالاتىنى ايتىلعان", - دەلٸنگەن حابارلامادا.
قازاقستان رەسپۋبليكاسىنىڭ اۋماعىندا "مير" جٷيەسٸنٸڭ تٶلەم كارتالارىن پايدالانۋ مٷمكٸندٸكتەرٸ تۋرالى تٷسٸنٸكتەمە بەرۋ ٷشٸن قازاقستان رەسپۋبليكاسىنىڭ قارجى نارىعىن رەتتەۋ جەنە دامىتۋ اگەنتتٸگٸ قازاقستاندىق بانكتەردٸڭ ٶكٸلدەرٸمەن كەزدەسۋ ٶتكٸزگەن.
"وسىلايشا, قازاقستاندىق بانكتەر "مير" كارتالارى بويىنشا تٶلەمدەردٸ, اۋدارىمداردى قابىلداۋعا, سونداي-اق جەكە تۇلعالار ٷشٸن بانكوماتتار ارقىلى قولما-قول اقشا بەرۋدٸ جٷزەگە اسىرۋعا قۇقىلى. بۇل رەتتە "مير" جٷيەسٸنە قوسىلۋ تۋرالى شەشٸمدٸ قازاقستاندىق بانكتەر ٶزدەرٸنٸڭ دامۋ ستراتەگييالارى مەن تەۋەكەلدەردٸ باعالاۋدىڭ ٸشكٸ جٷيەلەرٸ نەگٸزٸندە دەربەس قابىلدايدى", - دەلٸنگەن حابارلامادا.
