Qazaqstandaǵy et eń qymbat qalalar ataldy. Sarapshylardyń aitýynsha, et pen qus eti eki iri qalada edáýir qymbat eken, - dep habarlaidy Tengrinews.kz tilshisi Energyprom.kz saityna silteme jasap.
2022 jylǵy qańtardyń aiaǵynda Qazaqstanda súiekti siyr eti bólshek saýdada kelisine 2 236 teńgege, qoi eti 2 418 teńgege, jylqy eti 2 603 teńgege qymbattaǵan. Taýyq etiniń kelisi 1075 teńge.
Óńirler arasynda jyl basynda et baǵasy Almaty men Nur-Sultanda edáýir joǵary belgilengen. Elordada siyr etiniń ortasha baǵasy 2 506 teńge, qoi eti - 2987 teńge, jylqy eti - 3015 teńge, taýyq etiniń kelisi 1208 teńgege jetti. Almatyda siyr eti ortasha eseppen 2 325 teńge, qoi eti 2 920, jylqy eti 2 939 teńgeden satylyp jatyr.
Sarapshylardyń aitýynsha, Almaty ákimdigi ýáde etken kelisi 2 050 teńge et, BAQ málimetinshe, is júzinde tabylmai tur. Sebebi ol sórelerge shyqqan kezde, birneshe saǵattyń ishinde satylyp ketedi.
Byltyr et pen qus etiniń baǵasy, 2020 jylǵy qańtar-jeltoqsanmen salystyrǵanda 8,6 paiyzǵa qymbattaǵan. Et bárinen buryn Mańǵystaý oblysynda birden 14 paiyzǵa qymbattaǵan. Almaty men elordada et pen qus etiniń baǵasy tiisinshe 8 jáne 8,2 paiyzǵa qymbattady, al eń az ósim Qyzylorda oblysynda (5,4 paiyzǵa) tirkeldi.
