قازاقستانداعى ەت ەڭ قىمبات قالالار اتالدى. ساراپشىلاردىڭ ايتۋىنشا, ەت پەن قۇس ەتٸ ەكٸ ٸرٸ قالادا ەدەۋٸر قىمبات ەكەن, - دەپ حابارلايدى Tengrinews.kz تٸلشٸسٸ Energyprom.kz سايتىنا سٸلتەمە جاساپ.
2022 جىلعى قاڭتاردىڭ اياعىندا قازاقستاندا سٷيەكتٸ سيىر ەتٸ بٶلشەك ساۋدادا كەلٸسٸنە 2 236 تەڭگەگە, قوي ەتٸ 2 418 تەڭگەگە, جىلقى ەتٸ 2 603 تەڭگەگە قىمباتتاعان. تاۋىق ەتٸنٸڭ كەلٸسٸ 1075 تەڭگە.
ٶڭٸرلەر اراسىندا جىل باسىندا ەت باعاسى الماتى مەن نۇر-سۇلتاندا ەدەۋٸر جوعارى بەلگٸلەنگەن. ەلوردادا سيىر ەتٸنٸڭ ورتاشا باعاسى 2 506 تەڭگە, قوي ەتٸ - 2987 تەڭگە, جىلقى ەتٸ - 3015 تەڭگە, تاۋىق ەتٸنٸڭ كەلٸسٸ 1208 تەڭگەگە جەتتٸ. الماتىدا سيىر ەتٸ ورتاشا ەسەپپەن 2 325 تەڭگە, قوي ەتٸ 2 920, جىلقى ەتٸ 2 939 تەڭگەدەن ساتىلىپ جاتىر.
ساراپشىلاردىڭ ايتۋىنشا, الماتى ەكٸمدٸگٸ ۋەدە ەتكەن كەلٸسٸ 2 050 تەڭگە ەت, باق مەلٸمەتٸنشە, ٸس جٷزٸندە تابىلماي تۇر. سەبەبٸ ول سٶرەلەرگە شىققان كەزدە, بٸرنەشە ساعاتتىڭ ٸشٸندە ساتىلىپ كەتەدٸ.
بىلتىر ەت پەن قۇس ەتٸنٸڭ باعاسى, 2020 جىلعى قاڭتار-جەلتوقسانمەن سالىستىرعاندا 8,6 پايىزعا قىمباتتاعان. ەت بەرٸنەن بۇرىن ماڭعىستاۋ وبلىسىندا بٸردەن 14 پايىزعا قىمباتتاعان. الماتى مەن ەلوردادا ەت پەن قۇس ەتٸنٸڭ باعاسى تيٸسٸنشە 8 جەنە 8,2 پايىزعا قىمباتتادى, ال ەڭ از ٶسٸم قىزىلوردا وبلىسىندا (5,4 پايىزعا) تٸركەلدٸ.
