Qazaqstan Respýblikasynyń bas sanitar dárigeri Jandarbek Bekshin koronavirýs infektsiiasynan saqtaný úshin qashyqtan oqytý júiesin engizý máselesine qatysty pikir bildirdi, dep habarlaidy "Ult aqparat".
«Bul rette Bilim jáne ǵylym ministrligi qujattar paketin daiyndaǵanyn atap ótý kerek. Onyń arasynda qashyqtan oqytý týraly da usynys bar. Kei oqý oryndarynda mundai rejim buryn da qoldanylǵanyn bilemiz. Ásirese referat daiyndaý, emtihan tapsyrý kezinde ondai bolady. Saqtyq sharalarynyń bir tarmaǵy retinde Bilim ministrliginiń josparynda qashyqtyqtan oqytý qarastyrylǵan», - dedi Jandarbek Bekshin OKQ-da ótken baspasóz máslihatynda.
Onyń aitýynsha, joǵary oqý oryndarynda ǵana emes, kolledjder men kei mektepterdi de qashyqtan oqytý júiesine kóshirýge bolady.
«Eger tehnikalyq jabdyqtalý deńgeii múmkindik berse, biz álbette qarsy emespiz. Bul - qalypty qubylys. Biz HHI ǵasyrda ómir súrip jatyrmyz. Zamanǵa sai aqparattyq tehnologiialardyń igiligin paidalana bilýimiz kerek», - dedi ol.
Eske sala ketsek buǵan deiin Jandarbek Bekshin koronavirýs infektsiiasynyń Qazaqstanǵa kirý yqtimaldyǵyna qatysty ǵalymdar boljamymen bólisken edi.
