قازاقستان رەسپۋبليكاسىنىڭ باس سانيتار دەرٸگەرٸ جانداربەك بەكشين كوروناۆيرۋس ينفەكتسيياسىنان ساقتانۋ ٷشٸن قاشىقتان وقىتۋ جٷيەسٸن ەنگٸزۋ مەسەلەسٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«بۇل رەتتە بٸلٸم جەنە عىلىم مينيسترلٸگٸ قۇجاتتار پاكەتٸن دايىنداعانىن اتاپ ٶتۋ كەرەك. ونىڭ اراسىندا قاشىقتان وقىتۋ تۋرالى دا ۇسىنىس بار. كەي وقۋ ورىندارىندا مۇنداي رەجٸم بۇرىن دا قولدانىلعانىن بٸلەمٸز. ەسٸرەسە رەفەرات دايىنداۋ, ەمتيحان تاپسىرۋ كەزٸندە ونداي بولادى. ساقتىق شارالارىنىڭ بٸر تارماعى رەتٸندە بٸلٸم مينيسترلٸگٸنٸڭ جوسپارىندا قاشىقتىقتان وقىتۋ قاراستىرىلعان», - دەدٸ جانداربەك بەكشين وكق-دا ٶتكەن باسپاسٶز مەسليحاتىندا.
ونىڭ ايتۋىنشا, جوعارى وقۋ ورىندارىندا عانا ەمەس, كوللەدجدەر مەن كەي مەكتەپتەردٸ دە قاشىقتان وقىتۋ جٷيەسٸنە كٶشٸرۋگە بولادى.
«ەگەر تەحنيكالىق جابدىقتالۋ دەڭگەيٸ مٷمكٸندٸك بەرسە, بٸز ەلبەتتە قارسى ەمەسپٸز. بۇل - قالىپتى قۇبىلىس. بٸز ححٸ عاسىردا ٶمٸر سٷرٸپ جاتىرمىز. زامانعا ساي اقپاراتتىق تەحنولوگييالاردىڭ يگٸلٸگٸن پايدالانا بٸلۋٸمٸز كەرەك», - دەدٸ ول.
ەسكە سالا كەتسەك بۇعان دەيٸن جانداربەك بەكشين كوروناۆيرۋس ينفەكتسيياسىنىڭ قازاقستانعا كٸرۋ ىقتيمالدىعىنا قاتىستى عالىمدار بولجامىمەن بٶلٸسكەن ەدٸ.
