Qazaqstanda 5G jiilikterin taratýǵa arnalǵan birinshi aýktsion aiaqtaldy, - dep habarlaidy "Ult aqparat" Tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmetine silteme jasap.
22 jeltoqsanda mobildi bailanystyń besinshi býyny (5G) úshin radiojiilikterge ashyq aýktsion ótkizildi. Onlain saýda gosreestr.kz elektrondyq saýda-alańynda uiymdastyryldy. Qatysýshylar 5G tehnologiiasyna arnalǵan 3600-3700 MGTs (100 MGTs) radiojiilik jolaqtary boiynsha básekege tústi.
Aýktsionnyń alǵashqy baǵasy 1 761 225 000 teńgeden bastaldy.
Onlain saýda-sattyq, aýktsionnyń ashyq ótýine septigin tigize otyryp, qatysýshylardyń arasyndaǵy básekelestik ortany qalyptastyrdy. Aýktsion talaptaryna sáikes keletin uiymdar ashyq onlain saýdaǵa qatysa aldy.
Nátijesinde, radiojiilik jolaqtary úshin saýda-sattyq barysyndaǵy baǵa 62 669 775 351 teńgege deiin kóterilip, jeńimpaz bolyp "Mobail Telekom Servis" JShS jáne "Ksell" AQ turatyn konsortsiým anyqtaldy.
Joǵaryda atalǵan aýktsionnyń jeńimpazyna respýblikalyq mańyzy bar qalalarda jáne oblys ortalyqtarynda mobildi bailanystyń besinshi býynyn engizý jáne damytý boiynsha mindettemeler júkteledi.
Mindettemelerge sáikes, aýktsion jeńimpazy kezeń-kezeńimen jalpy sany 3527 bazalyq stantsiiany iske qosýy kerek. 2027 jylǵa qarai respýblikalyq mańyzy bar qalalardyń 75 paiyzy, oblys ortalyqtarynyń 60 paiyzy 5G tehnologiiasymen qamtamasyz etiledi dep kútilýde.
Sondai-aq, 5G tehnologiiasy memleket pen biznes úshin Internet servisterin damytý tiimdilikterine ie, bul eldegi tsifrlandyrý qarqynyn aitarlyqtai jedeldetedi.
5G jelisiniń negizgi paidalanýshylary - qarapaiym abonentterden bastap, internettiń joǵary jyldamdyǵyn qajet etetin iri biznes ókilderi bolady.
Al 23 jeltoqsanda 5G tehnologiiasyna arnalǵan 3700-3800 MGTs (100 MGTs) radiojiiligi úshin 2 lot boiynsha aýktsion ótkiziledi.
