قازاقستاندا 5G جيٸلٸكتەرٸن تاراتۋعا ارنالعان بٸرٸنشٸ اۋكتسيون اياقتالدى, - دەپ حابارلايدى "ۇلت اقپارات" تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
22 جەلتوقساندا موبيلدٸ بايلانىستىڭ بەسٸنشٸ بۋىنى (5G) ٷشٸن راديوجيٸلٸكتەرگە اشىق اۋكتسيون ٶتكٸزٸلدٸ. ونلاين ساۋدا gosreestr.kz ەلەكتروندىق ساۋدا-الاڭىندا ۇيىمداستىرىلدى. قاتىسۋشىلار 5G تەحنولوگيياسىنا ارنالعان 3600-3700 مگتس (100 مگتس) راديوجيٸلٸك جولاقتارى بويىنشا بەسەكەگە تٷستٸ.
اۋكتسيوننىڭ العاشقى باعاسى 1 761 225 000 تەڭگەدەن باستالدى.
ونلاين ساۋدا-ساتتىق, اۋكتسيوننىڭ اشىق ٶتۋٸنە سەپتٸگٸن تيگٸزە وتىرىپ, قاتىسۋشىلاردىڭ اراسىنداعى بەسەكەلەستٸك ورتانى قالىپتاستىردى. اۋكتسيون تالاپتارىنا سەيكەس كەلەتٸن ۇيىمدار اشىق ونلاين ساۋداعا قاتىسا الدى.
نەتيجەسٸندە, راديوجيٸلٸك جولاقتارى ٷشٸن ساۋدا-ساتتىق بارىسىنداعى باعا 62 669 775 351 تەڭگەگە دەيٸن كٶتەرٸلٸپ, جەڭٸمپاز بولىپ "موبايل تەلەكوم سەرۆيس" جشس جەنە "كسەلل" اق تۇراتىن كونسورتسيۋم انىقتالدى.
جوعارىدا اتالعان اۋكتسيوننىڭ جەڭٸمپازىنا رەسپۋبليكالىق ماڭىزى بار قالالاردا جەنە وبلىس ورتالىقتارىندا موبيلدٸ بايلانىستىڭ بەسٸنشٸ بۋىنىن ەنگٸزۋ جەنە دامىتۋ بويىنشا مٸندەتتەمەلەر جٷكتەلەدٸ.
مٸندەتتەمەلەرگە سەيكەس, اۋكتسيون جەڭٸمپازى كەزەڭ-كەزەڭٸمەن جالپى سانى 3527 بازالىق ستانتسييانى ٸسكە قوسۋى كەرەك. 2027 جىلعا قاراي رەسپۋبليكالىق ماڭىزى بار قالالاردىڭ 75 پايىزى, وبلىس ورتالىقتارىنىڭ 60 پايىزى 5G تەحنولوگيياسىمەن قامتاماسىز ەتٸلەدٸ دەپ كٷتٸلۋدە.
سونداي-اق, 5G تەحنولوگيياسى مەملەكەت پەن بيزنەس ٷشٸن ينتەرنەت سەرۆيستەرٸن دامىتۋ تيٸمدٸلٸكتەرٸنە يە, بۇل ەلدەگٸ تسيفرلاندىرۋ قارقىنىن ايتارلىقتاي جەدەلدەتەدٸ.
5G جەلٸسٸنٸڭ نەگٸزگٸ پايدالانۋشىلارى - قاراپايىم ابونەنتتەردەن باستاپ, ينتەرنەتتٸڭ جوعارى جىلدامدىعىن قاجەت ەتەتٸن ٸرٸ بيزنەس ٶكٸلدەرٸ بولادى.
ال 23 جەلتوقساندا 5G تەحنولوگيياسىنا ارنالعان 3700-3800 مگتس (100 مگتس) راديوجيٸلٸگٸ ٷشٸن 2 لوت بويىنشا اۋكتسيون ٶتكٸزٸلەدٸ.
