Búgin elimizde zymyran áskerleri jáne artilleriia búgin kásibi merekelerin atap ótýde, dep habarlaidy "Ult aqparat" QR Qorǵanys ministrligine silteme jasap.
Zymyran áskerleri jáne artilleriia - qazaqstandyq áskerde olar qarsylasty atyspen zaqymdaýda tapsyrmalardyń negizgi bólimin oryndaityn Qurlyq áskerleriniń negizgi atys kúshi bolyp tabylady.
«Olar Qarýly kúshter Qurlyq áskerleriniń quramyndaǵy joǵary eptilik pen dáldikti talap etetin jeke ásker túri. Ásker taktikalyq zymyrandardyń quramalarynan, gaýbitsalyq, zeńbirektik, reaktivti jáne tankige qarsy qoldanylatyn artilleriiadan, artillleriialyq barlaýdan, minaatqysh jáne tankige qarsy bólimshelerden turady.
Atalǵan bólimder men bólimsheler qajetti zymyran men 82-den 300 mm-ge deiingi kalibrli artilleriialyq júie túrlerimen qamtamasyz etilgen», delingen habarlamada.
Máselen, minaatqyshtar, artilleriialyq qondyrǵylary, tirkemeli quraldar, «Grad», «Grad-1», «Prima», «Ýragan» jáne «Smerch» alyp reaktivti dúrkindetip atý júieleri, joǵarǵy qýaty 240-millimetrlik ózdiginen júretin «Tiýlpan» minometteri bar. Zymyrandar quramynda «Tochka-Ý» joǵary dáldikti keshenderi, tankige qarsy artilleriia – MT-12 zeńbirekteri jáne tankige qarsy qoldanatyn «Shtýrm-S» zymyran keshenderi bar. Barlyq osy qarý-jaraq kezkelgen urys túrlerinde jaý oǵynyń zaqymdanýynan qorǵaityn negizgi jáne eń tiimdi quraly bolyp tabylady. Sondai-aq, qazir atysty basqarýdyń avtomattandyrylǵan júiesin engizý boiynsha belsendi jumys júrgizilýde.
Zymyran áskerleri men artilleriianyń jeke quramy qazaqstandyq jáne halyqaralyq oqý-jattyǵýlarǵa belsendi qatysyp, joǵary deńgeide jaýyngerlik, dene daiarlyqtary bar ekenin kórsetýde. 2019 jyly áskeri qyzmetshiler «Aibalta-2019» men RF QK zymyran bólimshelerimen birlesken taktikalyq oqý-jattyǵýy kezinde mol tájiribe jinady.
Atalmysh áskerge, ofitserlik kadrlardy Qurlyq áskerleri Áskeri institýty men QR Tuńǵysh Prezidenti – Elbasy atyndaǵy Ulttyq qorǵanys ýniversiteti daiyndaidy. Qurlyq áskerleri Áskeri institýtynyń artilleriia kafedrasy jyl saiyn 60-qa jýyq artillerist-ofitserdi oqytady. Qazaqstandyq kýrsanttar Sankt-Peterbýrg qalasyndaǵy Mihailov áskeri artilleriialyq akademiiada da bilim alýda. Sonymen qatar, jyl saiyn artillerist-ofitserler qataryn Qaraǵandy jáne Almaty politehnikalyq ýniversitetteriniń áskeri kafedralar túlekteri tolyqtyrady.
2020 oqý jylynda zymyran áskerleri men artilleriianyń aldynda jaýyngerlik ázirlikti arttyrý, jaýyngerlik jáne jedel daiyndyqty jetildirý boiynsha jaýapty mindetter tur.
