بٷگٸن ەلٸمٸزدە زىمىران ەسكەرلەرٸ جەنە ارتيللەرييا بٷگٸن كەسٸبي مەرەكەلەرٸن اتاپ ٶتۋدە, دەپ حابارلايدى "ۇلت اقپارات" قر قورعانىس مينيسترلٸگٸنە سٸلتەمە جاساپ.
زىمىران ەسكەرلەرٸ جەنە ارتيللەرييا - قازاقستاندىق ەسكەردە ولار قارسىلاستى اتىسپەن زاقىمداۋدا تاپسىرمالاردىڭ نەگٸزگٸ بٶلٸمٸن ورىندايتىن قۇرلىق ەسكەرلەرٸنٸڭ نەگٸزگٸ اتىس كٷشٸ بولىپ تابىلادى.
«ولار قارۋلى كٷشتەر قۇرلىق ەسكەرلەرٸنٸڭ قۇرامىنداعى جوعارى ەپتٸلٸك پەن دەلدٸكتٸ تالاپ ەتەتٸن جەكە ەسكەر تٷرٸ. ەسكەر تاكتيكالىق زىمىرانداردىڭ قۇرامالارىنان, گاۋبيتسالىق, زەڭبٸرەكتٸك, رەاكتيۆتٸ جەنە تانكٸگە قارسى قولدانىلاتىن ارتيللەرييادان, ارتيلللەرييالىق بارلاۋدان, مينااتقىش جەنە تانكٸگە قارسى بٶلٸمشەلەردەن تۇرادى.
اتالعان بٶلٸمدەر مەن بٶلٸمشەلەر قاجەتتٸ زىمىران مەن 82-دەن 300 مم-گە دەيٸنگٸ كاليبرلٸ ارتيللەرييالىق جٷيە تٷرلەرٸمەن قامتاماسىز ەتٸلگەن», دەلٸنگەن حابارلامادا.
مەسەلەن, مينااتقىشتار, ارتيللەرييالىق قوندىرعىلارى, تٸركەمەلٸ قۇرالدار, «گراد», «گراد-1», «پريما», «ۋراگان» جەنە «سمەرچ» الىپ رەاكتيۆتٸ دٷركٸندەتٸپ اتۋ جٷيەلەرٸ, جوعارعى قۋاتى 240-ميلليمەترلٸك ٶزدٸگٸنەن جٷرەتٸن «تيۋلپان» مينومەتتەرٸ بار. زىمىراندار قۇرامىندا «توچكا-ۋ» جوعارى دەلدٸكتٸ كەشەندەرٸ, تانكٸگە قارسى ارتيللەرييا – مت-12 زەڭبٸرەكتەرٸ جەنە تانكٸگە قارسى قولداناتىن «شتۋرم-س» زىمىران كەشەندەرٸ بار. بارلىق وسى قارۋ-جاراق كەزكەلگەن ۇرىس تٷرلەرٸندە جاۋ وعىنىڭ زاقىمدانۋىنان قورعايتىن نەگٸزگٸ جەنە ەڭ تيٸمدٸ قۇرالى بولىپ تابىلادى. سونداي-اق, قازٸر اتىستى باسقارۋدىڭ اۆتوماتتاندىرىلعان جٷيەسٸن ەنگٸزۋ بويىنشا بەلسەندٸ جۇمىس جٷرگٸزٸلۋدە.
زىمىران ەسكەرلەرٸ مەن ارتيللەرييانىڭ جەكە قۇرامى قازاقستاندىق جەنە حالىقارالىق وقۋ-جاتتىعۋلارعا بەلسەندٸ قاتىسىپ, جوعارى دەڭگەيدە جاۋىنگەرلٸك, دەنە دايارلىقتارى بار ەكەنٸن كٶرسەتۋدە. 2019 جىلى ەسكەري قىزمەتشٸلەر «ايبالتا-2019» مەن رف قك زىمىران بٶلٸمشەلەرٸمەن بٸرلەسكەن تاكتيكالىق وقۋ-جاتتىعۋى كەزٸندە مول تەجٸريبە جينادى.
اتالمىش ەسكەرگە, وفيتسەرلٸك كادرلاردى قۇرلىق ەسكەرلەرٸ ەسكەري ينستيتۋتى مەن قر تۇڭعىش پرەزيدەنتٸ – ەلباسى اتىنداعى ۇلتتىق قورعانىس ۋنيۆەرسيتەتٸ دايىندايدى. قۇرلىق ەسكەرلەرٸ ەسكەري ينستيتۋتىنىڭ ارتيللەرييا كافەدراسى جىل سايىن 60-قا جۋىق ارتيللەريست-وفيتسەردٸ وقىتادى. قازاقستاندىق كۋرسانتتار سانكت-پەتەربۋرگ قالاسىنداعى ميحايلوۆ ەسكەري ارتيللەرييالىق اكادەمييادا دا بٸلٸم الۋدا. سونىمەن قاتار, جىل سايىن ارتيللەريست-وفيتسەرلەر قاتارىن قاراعاندى جەنە الماتى پوليتەحنيكالىق ۋنيۆەرسيتەتتەرٸنٸڭ ەسكەري كافەدرالار تٷلەكتەرٸ تولىقتىرادى.
2020 وقۋ جىلىندا زىمىران ەسكەرلەرٸ مەن ارتيللەرييانىڭ الدىندا جاۋىنگەرلٸك ەزٸرلٸكتٸ ارتتىرۋ, جاۋىنگەرلٸك جەنە جەدەل دايىندىقتى جەتٸلدٸرۋ بويىنشا جاۋاپتى مٸندەتتەر تۇر.
