Foto: pikabu.ru
Qańtar-tamyz aiynyń qorytyndysy boiynsha Qylmystyq quqyqbuzýshylyq jasaǵandar arasynda 30,1 myń jumyssyz bar. Bul byltyrǵydan 5,1%-ǵa az, dep habarlaidy Sputnik Qazaqstan saity Ranking.kz portalyna silteme jasap.
Sonyń ishinde 5,5 myń azamat teris qylyq, al qalǵan 24,6 myńy qylmys jasaǵan.
Osy 24,6 myń adamnyń 10,7 myńy ortasha aýyrlyqtaǵy qylmys, 8 myńy – aýyr qylmys, 5 myńy – onsha aýyr emes qylmys, 959-y asa aýyr qylmys jasaǵan.
"Zańdy buzatyn jumyssyzdardyń sany jyldan jylǵa azaiyp keledi. Máselen 2022 jyly bul kórsetkish 3,6%-ǵa, 31,7 myń adamǵa, 2021 jyly — 21,8%-ǵa, 32,9 myń adamǵa, 2020 jyly — 22,8%-ǵa, 42,1 myń adamǵa, 2019 jyly — 6,5%-ǵa, 54,5 myń adamǵa deiin tómendedi", - delingen habarlamada.
Óńirler boiynsha qylmys jasaǵan jumyssyzdardyń eń kóbi Almaty qalasynda tirkeldi: 5 myń adam — byltyrǵydan birden 27%-ǵa kóp.
Odan keiin Astana (3 myń adam, 5,8%-ǵa kóbeigen) jáne Almaty oblysy (2,4 myń, 40,7%-ǵa azaiǵan) tur.
Eń tómengi kórsetkish – Ulytaý (239 adam), Abai (710 adam) jáne Qyzylorda (781 adam) oblystarynda.
Jumyssyzdardyń 35,1%-y urlyq jasaǵany úshin ustalǵan: 10,6 myń adam — byltyrǵydan 8,3%-ǵa az.
Sondai-aq jumyssyzdar arasynda eń "tanymal" quqyqbuzýshylyq túrleriniń ishinde alaiaqtyq (3,7 myń adam, 13,9% kóbeigen), usaq urlyq (3,1 myń adam, 7,1% azaiǵan), esirtkiniń zańsyz ainalymy (1,6 myń adam, 6,9% azaiǵan) jáne jol qozǵalysy nemese kólik paidalaný erejelerin buzý (1,2 myń adam, 8,4% kóbeigen) bar.
