قازاقستاندا جۇمىسسىزدار قانداي قىلمىسقا جيٸ بارادى?

فوتو: pikabu.ru

قاڭتار-تامىز ايىنىڭ قورىتىندىسى بويىنشا قىلمىستىق قۇقىقبۇزۋشىلىق جاساعاندار اراسىندا 30,1 مىڭ جۇمىسسىز بار. بۇل بىلتىرعىدان 5,1%-عا از, دەپ حابارلايدى Sputnik قازاقستان سايتى Ranking.kz پورتالىنا سٸلتەمە جاساپ.

سونىڭ ٸشٸندە 5,5 مىڭ ازامات تەرٸس قىلىق, ال قالعان 24,6 مىڭى قىلمىس جاساعان.

وسى 24,6 مىڭ ادامنىڭ 10,7 مىڭى ورتاشا اۋىرلىقتاعى قىلمىس, 8 مىڭى – اۋىر قىلمىس, 5 مىڭى – ونشا اۋىر ەمەس قىلمىس, 959-ى اسا اۋىر قىلمىس جاساعان.

"زاڭدى بۇزاتىن جۇمىسسىزداردىڭ سانى جىلدان جىلعا ازايىپ كەلەدٸ. مەسەلەن 2022 جىلى بۇل كٶرسەتكٸش 3,6%-عا, 31,7 مىڭ ادامعا, 2021 جىلى — 21,8%-عا, 32,9 مىڭ ادامعا, 2020 جىلى — 22,8%-عا, 42,1 مىڭ ادامعا, 2019 جىلى — 6,5%-عا, 54,5 مىڭ ادامعا دەيٸن تٶمەندەدٸ", - دەلٸنگەن حابارلامادا.

ٶڭٸرلەر بويىنشا قىلمىس جاساعان جۇمىسسىزداردىڭ ەڭ كٶبٸ الماتى قالاسىندا تٸركەلدٸ: 5 مىڭ ادام — بىلتىرعىدان بٸردەن 27%-عا كٶپ.

ودان كەيٸن استانا (3 مىڭ ادام, 5,8%-عا كٶبەيگەن) جەنە الماتى وبلىسى (2,4 مىڭ, 40,7%-عا ازايعان) تۇر.

ەڭ تٶمەنگٸ كٶرسەتكٸش – ۇلىتاۋ (239 ادام), اباي (710 ادام) جەنە قىزىلوردا (781 ادام) وبلىستارىندا.

جۇمىسسىزداردىڭ 35,1%-ى ۇرلىق جاساعانى ٷشٸن ۇستالعان: 10,6 مىڭ ادام — بىلتىرعىدان 8,3%-عا از.

سونداي-اق جۇمىسسىزدار اراسىندا ەڭ "تانىمال" قۇقىقبۇزۋشىلىق تٷرلەرٸنٸڭ ٸشٸندە الاياقتىق (3,7 مىڭ ادام, 13,9% كٶبەيگەن), ۇساق ۇرلىق (3,1 مىڭ ادام, 7,1% ازايعان), ەسٸرتكٸنٸڭ زاڭسىز اينالىمى (1,6 مىڭ ادام, 6,9% ازايعان) جەنە جول قوزعالىسى نەمەسە كٶلٸك پايدالانۋ ەرەجەلەرٸن بۇزۋ (1,2 مىڭ ادام, 8,4% كٶبەيگەن) بار.