Foto: egemen.kz
Búginnen bastap jeńildetilgen avtonesie berý qaita jalǵasady. Bul joly ótinishter tek onlain rejimde qabyldanady. Ótinish qabyldaityn arnaiy portal synaqtan ótti, dep habarlaidy BAQ.KZ portaly inbusiness.kz saityna silteme jasap.
Jyl basynan beri elimizde 98 myńǵa jýyq jańa jeńil kólik satylǵan. Óndiristi damytý qory tóraǵasynyń orynbasary Rinat Ǵapparov jańashyldyq júzdegen azamattyń jeńil nesiemen qamtylýyna múmkindik beretinin alǵa tartty. Onyń aitýynsha, baǵdarlama negizinde qaryz buǵan deiingi qaryzdyń qaitarylýy esebinen berilmek.
"Túsken aqsha igerilgennen keiin nesieleý qaitadan kidiredi. 2047 jylǵa deiin revolverlik qarajat kólemi 14,3 mlrd teńgeden asady", - deidi Rinat Ǵapparov.
Osylaisha, 30 jyl ishinde halyqqa 4 paiyzdyq mólsherlememen 60 myń jańa kólik alýǵa múmkindik týady. Baǵdarlama boiynsha tek otandyq kólikterdi satyp alýǵa bolady.
