فوتو: egemen.kz
بٷگٸننەن باستاپ جەڭٸلدەتٸلگەن اۆتونەسيە بەرۋ قايتا جالعاسادى. بۇل جولى ٶتٸنٸشتەر تەك ونلاين رەجيمدە قابىلدانادى. ٶتٸنٸش قابىلدايتىن ارنايى پورتال سىناقتان ٶتتٸ, دەپ حابارلايدى BAQ.KZ پورتالى inbusiness.kz سايتىنا سٸلتەمە جاساپ.
جىل باسىنان بەرٸ ەلٸمٸزدە 98 مىڭعا جۋىق جاڭا جەڭٸل كٶلٸك ساتىلعان. ٶندٸرٸستٸ دامىتۋ قورى تٶراعاسىنىڭ ورىنباسارى رينات عاپپاروۆ جاڭاشىلدىق جٷزدەگەن ازاماتتىڭ جەڭٸل نەسيەمەن قامتىلۋىنا مٷمكٸندٸك بەرەتٸنٸن العا تارتتى. ونىڭ ايتۋىنشا, باعدارلاما نەگٸزٸندە قارىز بۇعان دەيٸنگٸ قارىزدىڭ قايتارىلۋى ەسەبٸنەن بەرٸلمەك.
"تٷسكەن اقشا يگەرٸلگەننەن كەيٸن نەسيەلەۋ قايتادان كٸدٸرەدٸ. 2047 جىلعا دەيٸن رەۆولۆەرلٸك قاراجات كٶلەمٸ 14,3 ملرد تەڭگەدەن اسادى", - دەيدٸ رينات عاپپاروۆ.
وسىلايشا, 30 جىل ٸشٸندە حالىققا 4 پايىزدىق مٶلشەرلەمەمەن 60 مىڭ جاڭا كٶلٸك الۋعا مٷمكٸندٸك تۋادى. باعدارلاما بويىنشا تەك وتاندىق كٶلٸكتەردٸ ساتىپ الۋعا بولادى.
