Qazaqstanda jańa kásipter atlasy ázirlenip jatyr. Bul týraly QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Dúniejúzilik bank jobasy aiasynda jańa kásipter atlasyn jasap jatyrmyz. 4 jyldan beri osy joba aiasynda birlesip jumys isteýdemiz. Al ótken jyldan beri jańa kásipter atlasymen ainalysý ústindemiz. Ony taý-ken metallýrgiia, munai-gaz, aýyl sharýashylyǵy, kólik pen logistika, mashina jasaý, aqparattyq-kommýnikatsiialyq tehnologiialar, energetika, týrizm jáne qurylys syndy 9 salada ázirleimiz», - dedi ministr Ortalyq kommýnikatsiialar qyzmetindegi brifing barysynda.
Sonymen qatar ol bul jumystar qazirgi ýaqytta qandai satyǵa jetkendigin aityp berdi.
«Búgingi kúni taý-ken metallýrgiia salasy boiynsha kásipter atlasyn ázirleýdi aiaqtadyq. 9 joiylyp bara jatqan, 10 ózgeriske ushyraityn jáne 22 jańa kásipti aiqyndap aldyq», - dedi Birjan Nurymbetov.
