قازاقستاندا جاڭا كەسٸپتەر اتلاسى ەزٸرلەنٸپ جاتىر. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى "ۇلت اقپارات".
«دٷنيەجٷزٸلٸك بانك جوباسى اياسىندا جاڭا كەسٸپتەر اتلاسىن جاساپ جاتىرمىز. 4 جىلدان بەرٸ وسى جوبا اياسىندا بٸرلەسٸپ جۇمىس ٸستەۋدەمٸز. ال ٶتكەن جىلدان بەرٸ جاڭا كەسٸپتەر اتلاسىمەن اينالىسۋ ٷستٸندەمٸز. ونى تاۋ-كەن مەتاللۋرگييا, مۇناي-گاز, اۋىل شارۋاشىلىعى, كٶلٸك پەن لوگيستيكا, ماشينا جاساۋ, اقپاراتتىق-كوممۋنيكاتسييالىق تەحنولوگييالار, ەنەرگەتيكا, تۋريزم جەنە قۇرىلىس سىندى 9 سالادا ەزٸرلەيمٸز», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
سونىمەن قاتار ول بۇل جۇمىستار قازٸرگٸ ۋاقىتتا قانداي ساتىعا جەتكەندٸگٸن ايتىپ بەردٸ.
«بٷگٸنگٸ كٷنٸ تاۋ-كەن مەتاللۋرگييا سالاسى بويىنشا كەسٸپتەر اتلاسىن ەزٸرلەۋدٸ اياقتادىق. 9 جويىلىپ بارا جاتقان, 10 ٶزگەرٸسكە ۇشىرايتىن جەنە 22 جاڭا كەسٸپتٸ ايقىنداپ الدىق», - دەدٸ بٸرجان نۇرىمبەتوۆ.
